Santi Vidal Bartzelonako Lurralde Auzitegiko magistratuak ohartarazi du hemendik denbora gutxira epaile bati elkarrizketa egitea legez kanpokoa izango dela, Botere Judizialaren Legea aldatuko baitute. Hari eginiko elkarrizketa argitaratuko du bihar BERRIAk.
Euskal presoen auziaz ere mintzatu da, presoak Euskal Herrira ekartzeak ez duela legea urratzen; are gehiago, legea aldatu beharrik ere ez dagoela ziurtatu du.
Bere aburuz, ezohiko berrikuspen helegitearen bidez, sententzia asko baliorik gabe utzi beharko lirateke; zuzenbide estatu batean Gobernuak eman ditzakeen indultoak baino legitimitate handiagoa duela horrek.
Auzitegi Nazionalari, Gorenari eta Konstituzionalari ere kritika egin die, bere aburuz, ez dutelako ezer egin bake prozesuak aurrera egin dezan.
