EUSKARA

Jabier Kaltzakorta aukeratu dute euskaltzain oso

Itziar Lakaren aurrean, Euskaltzaindiaren arautegiak eta barne erregelek agintzen duen gehiengo osoa lortu du Kaltzakortak.

/ Euskaltzaindia.

Berria -

2013ko uztailak 19

Adolfo Arejita, Xabier Kintana, Patxi Uribarren eta Andres Urrutia euskaltzainek aurkeztu zuten Jabier Kaltzakortaren hautagaitza, eta gaur, Bilbon egin duten osoko batzarrean, gehiengo osoa lortu du hark. Itziar Laka zen Jose Luis Lizundiak utzitako postua eskuratzeko beste hautagaia.

Jabier Kaltzakorta Elortzak (Markina, Bizkaia, 1961) Deustuko Unibertsitatean egin zituen Filosofia eta Letrak ikasketak. Euskal Filologian lizentziatu zen, 1984an, eta Euskal baladen corpuserako edizio kritikoa izeneko tesia amaitzear da. Deustuko Unibertsitateko irakaslea da 1994az geroztik, Gizarte eta Giza Zientzien Fakultatean, eta ahozko literatura eta XVI-XIX. mendeko euskal literatura irakasten ditu, besteak beste.

1996an izendatu zuten Kaltzakorta euskaltzain urgazle, eta, orduz geroztik, Euskaltzaindiko Herri Literatura Batzordeko kidea da. Horrez gain, Azkue Literatur Sarien epaimahaikidea ere bada.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna