gizartea

EH Bilduk Euskararen Eguna proposatu du Euskadiren Eguna ordezkatzeko

Eusko Legebiltzarrean aurkeztu du zuzenketa, "euskal gizartearen batasuna eta kohesioa" irudikatuko duen jaieguna aurrera eramateko.

Berria -

2013ko uztailak 19

Koalizioak dio ekinbide horrekin EAJk Euskadiren Eguna indargabetzeko egin duen proposamena “osatu” nahi duela: “Lege proposamena motz geratzen da, Euskadiren Eguna ezeztatzera mugatzen baita, baina ez du data alternatiborik proposatzen”, dio Pello Urizar EAko idazkari nagusiak.

Egun alternatibo moduan aurkeztu du koalizioak abenduaren 3a: Euskararen Eguna. Jaiegun horrek “euskal gizartearen batasuna eta kohesioa” irudikatzen du, Urizarren aburuz: “Euskara herritar ororen ondarea da, eta herri honen identitatearen sinbolo nagusia”.

Euskadiren Eguna

Aurreko legegintzaldian PSE-EEren gobernuak jarri zuen indarrean. Egun horrek Gernikako Estatutua onartu zeneko eguna omentzen du: 1979ko urriaren 25a.

Jai gun hori bertan behera uzteko prozesua martxan da. EAJk proposatu zuen, eta EH Bilduk babestu zuen: PSE-EE, PP eta UPD alderdiek kontra bozkatu zuten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna