Istripua

Gutxienez 24 lagun hil dira Galizian, tren bat bidetik irtenda

Bagoi guztiak gelditu dira errailetatik kanpora; hiruk su hartu dute, eta bat erabat birrinduta gelditu da.

Berria -

2013ko uztailak 24

Tren istripu larria gertatu da Galizian: Madrildik Ferrolera zihoan tren bat bidetik atera da iluntzeko 20:42an. Istripua Santiago parean gertatu da, Angrois auzoa: Alvia etxeko trenaren bagoi guztiak gelditu dira errailetatik kanpora; gutxienez hiruk su hartu dute, eta haietako bat erabat birrinduta gelditu da. Denera 240 bidaiari inguru zeramatzan trenak, eta Renfe enpresaren lehen kalkuluen arabera, gutxienez 24 pertsona hil dira. Dena den, trenaren inguruan barreiatutako gorpu gehiagoren berri eman dute lekukoek, eta Galiziako Xuntaren lehen kalkuluen arabera, 35 ere izan daitezke. Zaurituak, berriz, «dozenaka» izan daitezkeela zabaldu dute bertako hedabideek. Santiagoko Unibertsitateko ospitalera gutxienez 50 eraman dituzte segituan.

Lehen zantzuen arabera, trena Ourensetik Santiagora bideko bihurgune itxienean irten da bidetik, AHTarentzat prestatutako errailetan. Istripua gertatu eta berehala bertaratu dira erreskate zerbitzuak eta anbulantziak, trenean harrapatuta dauden pertsonei laguntzeko. Hainbat auzotarrek ere tapakiak eskaini dizkiete zaurituei.

Galiziaren Eguneko zubiko lehen egunean gertatu da istripua: herritar ugarik baliatzen dute data hori oporretara joateko. Horregatik, trena aski beteta zihoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna