Jaiez beterik dator aste hau ere Euskal Herrian. Baionako jaiak atzo bukatu ziren, eta Gasteizek hartuko die txanda hiriburuetako jaiei. Igandean hasiko dira Andre Mari Zuriaren jaiak, Zeledonen jaitsierarekin, eta datorren astelehenean ospatuko dute Ama Birjinaren eguna Arabako hiriburuan.
Gasteizko jaiak hasi bitartean, ez da aspertzeko betarik izango, ordea. San Inazio eguna ospatuko dute asteazkenean hainbat herritan: Algortan, Azpeitian... Asteburua iristearekin batera, sanestebanak ospatzen hasiko dira beste herri askotan.
