EUSKAL HERRIA

Jone Artolaren izendapena atzera bota du Bilboko epaitegi batek

"Behin-behineko neurria" da, eta Bilboko Udalak hiru eguneko epea du Artolaren izendapenaren inguruko arrazoiak emateko. Estatuaren abokatuari eskatu zion Carlos Urkijok izendapena atzera botatzeko, "legez kanpoko erakundeekin duen loturagatik".

Iraia Iturregi pregoilaria eta Jone Artola txupinera.
Iraia Iturregi pregoilaria eta Jone Artola txupinera. / Jon Hernaez/ARP

Berria -

2013ko abuztuak 10

Carlos Urkijo Espainiako Gobernuak Araban, Bizkaian eta Gipuzkoan duen ordezkariak Jone Artola txupinera izatea debeka zezala eskatu zion Espainiako Estatuaren abokatuari. Gobernuaren Delegaritzatik EFEri jakinarazi diotenez, Bilboko auzitegi batek atzera bota du Artolaren izendapena, behin-behinean. Orain, Bilboko Udalak hiru eguneko epea du Artolaren izendapenaren inguruko arrazoiak emateko, behin-betiko erabaki bat hartu aurretik.

Auzitegiaren erabakiaren berri izan ostean, "terrorismoaren biktima eta horien senitartekoentzat garaipen ezin hobea" dela baieztatu du Urkijok. "Ezer ez egitea erosoagoa litzatekeen arren", estatuak "biktimen duintasuna bermatzeko betebeharra duela gaineratu du Urkijok. Urizarrek, berriz, txupineraren inguruan sortu den eztabaida "artifiziala eta bilatua" izatea salatu du, eta gaineratu du, "konfrontazio soziala" bilatzen duela, "min egiteko".

Herenegun Dignidad y Justicia eta Covite elkarteak izan ziren lehen salaketa egin zutenak. Horietan bost argudio ematen zituzten izendapena atzera botatzeko: preso baten arreba dela, EH eta ANVko hauteskunde zerrendetan egon dela, Txori Barroteko sortzaileetako bat eta kide dela eta Etxerat-eko kide dela. Efe albiste agentziak aurreratu duenez, lehenengoa izan ezik, beste arduioak bere egin ditu Urkijok.

Azken egun hauetan jakin da, baita ere, Pablo Gorostiagari Laudioko pregoilari izatea debekatu diotela, hori ere, Urkijoren eskariari jarraiki. Gorostiaga pregoilari izatea "biktimen duintasunaren aurka" doala argudiatu zuen Urkijok, eta Gasteizko Monica Basurto epaileak bertan behera utzi zuen batzordearen erabakia, badaezpadako neurri gisa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna