MUNDUA

Bakearen Nobel saria, Arma Kimikoak Debekatzeko Erakundearentzat

Arma kimikoak desagerrarazteko erakundeak egindako "esfortzu handia" saritu dute, Nobel Institutuaren esanetan.

Berria -

2013ko urriak 11

NRK Norvegiako telebista kate publikoak aurreratu du albistea, eta Nobel Institutuak baieztatu du 11:00etan: OPCW Arma Kimikoak Debekatzeko Erakundeari emango diote 2013ko Bakearen Nobel saria. 1997an sortu zen erakundea, eta egun 190 herrialde ditu kide.

Egun, Siriako arma kimikoak desegiteko prozesuan parte hartzen ari da OPCW. 2014. urte erdirako Siriako armak zerrendatu eta deuseztatzea adostu zuten Errusiak eta AEBek, eta horretarako prest agertu zen Siriako presidente Baxar al-Assad. Hilaren 28an, aho batez onartu zuen Nazio Batuen Erakundeko Segurtasun Batzordeak Siriako armategi kimikoa suntsitzeko urratsak zehazten dituen ebazpena. "OPCWk inoiz hartu duen lanik handiena eta garrantzitsuena da", Ahmet Uzumcu erakundeko zuzendari nagusiaren arabera.

Iaz, Europako Batasunari eman zioten Bakearen Nobel saria, "adiskidetzearen alde" egin duen lanagatik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna