Fagor Etxetresnak

Mondragoneko beste kooperatibak hasi dira Fagorreko langileak hartzen

Arazoari "betiko ildo historikoaren bidetik" erantzuten ari zaiola esan du taldeak.

Iker Aranburu -

2013ko urriak 24

Eusko Jaurlaritzaren, Debagoieneko herritarren eta kooperatibisten kritikei erantzuteko lehen urratsa egin du Mondragon taldeak. Fagor Etxetresnen lana galtzera zihoazen langile batzuk  korporazioaren beste kooperatiba batzuetan enplegatzen hasi da. Taldeak ez du zehaztu, ordea, «birkokapen» horiek beste langile batzuen kaltetan egin ote diren;  hau da, kooperatibista bati lekua egiteko soldatapeko langileak bota behar izan ote dituzten.

Mondragonek enplegu bulego bat sortu zuen joan den astean, Fagor Etxetresnek hartzekodunen konkurtsoaren aurrekoa eskatu zutela jakinarazi bezain pronto. Bulego horren helburua da kooperatiba horretako bazkideei lekua egitea korporazioko beste enpresetan. Lehen kolokazioak gertatu direla azaldu du Mondragonek ohar baten bidez, eta esan du azaroan ugaritu egingo dela birkokatuen kopurua, taldeko kooperatibek eskatutako elkarrizketa kopurua handitu delako. Enplegu bulegoa laguntzen ari da «kooperatibek enpleguan dituzten beharrak aztertzen» eta soslai profesional egokiko langileak hautatzen.

Gaur egun libre egon —edo libre utzi— daitezkeen lanpostuak betetzeko ez ezik, enplegu berriak sortzeko prozesua bizkortu du Mondragonek. «Lankidetzarako mekanismo berriak martxan jarri dira kooperatibetako sustapen unitateen artean, negozio berriak sustatzeko dinamika biziagoa aktibatzeko».

Jaurlaritzari erantzuna

Fagor Etxetresnak kooperatibak ia 1.700 kooperatibista ditu Euskal Herriko bost fabriketan. Horietatik zenbatentzat egin beharko duten lekua ez dago garbi, Mondragonek artean ez baitu zehaztu kooperatiba horren berregituraketa plana. Konkurtso legeak horretarako lau hilabeteko epea ematen dion arren, lehenago egin beharko du, Frantziako legeak ez diolako hainbeste tarte ematen hartzekodunen salaketetatik babesteko. Gaur izan dute bilera Frantziako lau lantegietako sindikatuekin, egoeraren berri emateko. Herrialde horretan ia bi mila lagunek egiten dute lan Fagorrentzat, taldearen lau lantegietan eta harentzat lan egiten duen beste batean (Lyonen).

Baina Euskal Herrian ere berregituraketa aurki abiatzeko presioa jasaten ari dira Fagor eta Mondragon. Jaurlaritzak «plan zorrotz bat» eskatu dio, eta haserre agertu da korporazioarekin. Iñigo Urkullu lehendakariak berak auzitan jarri du Mondragonek Fagor Etxetresnak salbartzeko borondatea duela.

Salaketa horri adierazpen oso orokor batekin erantzun dio Mondragonek. «Ezohiko egoera da Korporazio osoarentzat, bere neurriagatik, baina betiko ildo historikoaren bidetik egiten ari zaio aurre, elkartasun mekanismoetan oinarrituta (Enplegurako Laguntzaren prestazioaren bitartez), kooperatiben arteko lankidetzan oinarrituta (bereziki bazkideak birkokatuz) eta erantzukizun kolektiboan oinarrituta».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Angeluko hondartza. ©Guillaume Fauveau

Maskara derrigortu dute Lapurdiko zenbait herritan

Ekaitz Etxamendi

Miarritzen, Donibane Lohizunen eta Baionan (Lapurdi) beharrezkoa izanen da maskara erabiltzea. 135 euroko isuna izanen du maskararik gabe doanak. Euskal Hirigune Elkargoak jakinarazi du Angeluko eta Miarritzeko hondartzetako gaueko garraioak geldituko dituztela, COVID-19aren hedapena murrizteko.

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna