Noiz sortua: 2013-11-22 23:12:57

kultura

Zinebi jaialdiaren sari nagusia aho batez eman diote 'Tokyo Giants' filmari

Nikolas Provosten filma "dudarik gabe" aukeratu dute epaimahaikideek. Gainerakoan, "film gutxi" nabarmendu direla esan dute.

'Tokyo Giants' filmaren irudi bat.
'Tokyo Giants' filmaren irudi bat. Tamaina handiagoan ikusi

Ainhoa Larrabe -

2013ko azaroak 22

Nikolas Provost belgikarraren Tokyo Giants film laburrak jaso du Bilboko Zinebi 55. jaialdiko sari nagusia. Ez dute dudarik egin haren alde egiterakoan. Hiltzaile bat, bortxatzaile bat, Yakuza bat eta gizon kultu bat bildu ditu Provostek Tokioko kaleetan, eta istoriook gurutzatzeko moduak harrapatu du epaimahaia. Guztira, 67 film aritu dira lehian.

Gainontzeko sarituekin, ordea, oso iritzi ezberdinak izan dituztela aitortu dute. Epaimahaikideek jaialdiari buruz egindako balorazioa gazi gozoa izan da, haien ustez egitarauak ez baitu maila eman. “Arlo honetan arriskatu egin behar da”. Horren falta sumatu dute. Film “oso onak”, egon dira, baina gutxi dira.

Borja Cobeagaren Democracia eta Alberto Vazquezen Sangre de Unicornio lanek lortu dute Euskal Zinemaren Sari Nagusia. Espainiako Zinemaren saria Gerardo Carrerasen Souvenir filmak eskuratu du, eta Monica Lairana argentinarraren Maria -k eraman du Latinoamerikako Pelikula Onenaren Saria. Aurtengo lehiaketan lehen aldiz euskaraz egindako film onena ere saritu dute: Asier Urbietaren Arconada.

Jaialdiaren epaimahaia bost kidek osatu dute: Pernille Rose Gronkjaer dokumentalgile daniarra, Salome Lamas zinemagile portugaldarra, Oliver Laxe zinemagilea, Itziar Okariz artista eta Marcela Zamora Chamorro kazetari eta zinemagile nikaraguarra.

Gaur egingo da Zinebiren amaiera ekitaldia Bilboko Arriaga Antzokian. Sariak banatzeaz gain, saritutako lanak erakutsiko dituzte. Bihar emanaldiak errepikatuko dituzte 18:00etatik aurrera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Kale garbitzaile bat, Donostian. / ©Jagoba Manterola, Foku

Sanchezek apirilaren 26ra luzatu du konfinamendua

Berria

Goizean batzorde zientifikoarekin batzartu eta gero: «Gizarteak behar duen denbora da birusari aurre egiteko».

Militarrak Etxalarren

Militarrak Pirinioetan

Berria

Atzo Iruñean egon eta gero, Espainiako Armadako soldaduak Zaraitzu, Etxalar eta Sara inguruetan ikusi dituzte. Bideoa: militarrak Etxalarren.

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna