Sevilla II-ko presoen egoera salatzeko manifestazioa debekatzeko eskatu dio Urkijok Urkulluri

 

Berria -

2013ko azaroak 26

Datorren iganderako jarria dute hitzordua Sevilla II-ko presoen lagunek eta senideek Donostian, presoak jasaten ari diren "injustizia mailaren" kontra salatzeko. Carlos Urkijo Espainiak EAEn duen ordezkariak, ordea, Espainiako Auzitegi Nazionaleko Fiskaltzari manifestazioaren berri eman dio "ETAko presoen omenaldi bilaka" daitekeela eta, "etakideen elkartasuna adierazteko egiten ari diren egunotako indarkeria ekintza guztiak bezala".

"Itxura guztia du terrorismoaren biktimak umiltzeko beste ekitaldi bat izango dela, ETAko presoei omenaldi bat eginez", Urkijok esan duenez, eta ondorioztatu du biktimak babesteko legea urratuko litzatekeela.

"Koherentea" izan dadin eskatu dio Iñigo Urkullu Jaurlaritzako lehendakariari. Joan den ostiralean Urkulluk esan zuen ez zuela 'Parot doktrina' eraistearen ondorioz aske utzi eta utziko dituztenen aldeko omenaldirik onartuko. Urkijorentzat "aukera bat" du Urkulluk esan duena "ekintzen bidez erakusteko".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna