EUSKALTZAINDIA

Ibon Sarasolak utzi egingo du Hiztegi Batuaren ardura

Gramatika Batzordeko kideen dimisioaren ondoren etorri da Sarasolaren iragarpena. Zuzendaritzari jadanik eman dio asmoaren berri.

Ibon Sarasola.
Ibon Sarasola. / L. J./ARP

Garikoitz Goikoetxea -

2013ko abenduak 4

Euskaltzaindiaren Hiztegi Batuaren gidaritza lana utzi egingo du Ibon Sarasolak. BERRIAri baieztatu dio erabakia hartu duela eta zuzendaritzari horren berri eman diola dagoeneko. Gustura ez dagoelako utziko du kargua: “Azken bolada honetan Euskaltzaindian ikusten dudan giroa ez da gogokoa. Ez naiz eroso sentitzen”.

Gramatika Batzordeko kideek dimisioa eman zuten atzo. Sarasolari galdetuta ea atzoko dimisioek loturarik baduten bere kargu uztearekin, baiezkoa erantzun du. “Azken tanta hori izan da. Horrelako instituzio batean proiektu sendo bat eramateko ez nago”. Zuzendaritzaren konfiantza galdu dutela esan dutela ohartarazi zuten Gramatika Batzordeko kideek. Sarasolaren kasua ez da hori. “Zuzendaritzarekin proiektu honen kudeaketan ez dut inolako kexarik. Gauza guztiak ondo joan dira. Problema da ingurua, eta beste hainbat gauza”.

Euskaltzain gisa jarraituko du, nolanahi ere. “Noski. Euskaltzain izatea betiko da”.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna