ATXILOKETAK

Zortzi dira Guardia Zibilak atxilotutako EPPKren bitartekariak

Presoen kolektiboko abokatuen egoitzetan sartu da Guardia Zibila, eta zortzi lagun atxilotu ditu, Jorge Fernandez Diaz Espainiako Barne ministroak baieztatu duenez. Presoen kolektiboak izendatu zuen Mintzaidetza Lanetarako Taldeko kideak dira. Hainbat etxe ari da miatzen Guardia Zibila. Atxilotuak dira Arantxa Zulueta, Jon Enparantza, Aitziber Sagarminaga, Jose Luis Campos, Egoitz Lopez de La Calle, Aintzane Orkolaga, Asier Aranguren eta Mikel Almandoz. Ertzaintza Bilbon operazioaren kontra bildu direnei oldartu zaie, eta lagun bat atxilotu dute.

Berria -

2014ko urtarrilak 8

Guardia Zibilak operazioa egin du EPPK Euskal Preso Politikoen Kolektiboaren Mintzaidetza Lanetarako Taldearen kontra, gaur arratsalde hasieran, Bizkaian, Gipuzkoan eta Nafarroan, eta zortzi lagun atxilotu ditu, tartean bi abokatu. Jorge Fernandez Diaz Espainiako Barne ministroak baieztatu du zortzi direla: Arantxa Zulueta, Jon Enparantza, Aitziber Sagarminaga, Jose Luis Campos, Egoitz Lopez de La Calle, Aintzane Orkolaga, Asier Aranguren eta Mikel Almandoz dira.

Lehen zazpiak 2012an EPPK-k izendatu zuen Mintzaidetza Lanetarako Taldeko kideak dira, beste batzuen artean. Presoen auziari buruz hitz egiteko hautatu zituzten. Fernandez Diazek esan du "ETAk presoak kontrolatzeko erabiltzen duen garroaren kontra" burutu dela operazioa. Zabalik dago operazioa. Eloy Velasco Auzitegi Nazionaleko epaileak agindu du, eta Espainiako Barne Ministerioaren arabera, "hilabeteak" zeramatzan Guardia Zibilak abokatuen arrastoan.

Lopez de La Calle izan da Bilboko egoitzatik atxilotuta eraman duten lehena, eta gero eraman dituzte Almandoz eta Enparantza. Hainbat etxe miatzen ari da, gainera, Guardia Zibila. Donostiako Antigua auzoan Enparantzarena, Bilboko Otxarkoaga auzoan Sagarminagarena, Lasarten (Gipuzkoa) Camposena eta Lekeition (BIzkaia) Zuluetarera. Donostiako Antigua auzoan Guardia Zibilaren sei furgoneta inguru daude, Enparantza abokatuaren etxea zelatatzen, eta bilkura bat ari dira egiten atxiloketen kontra.

Liskarrak, Bilbon

Bilbon ere hainbat lagun bildu dira abokatuen egoitzaren aurrean protesta eginez, eta Ertzaintza euren aurka oldartu da. Lekukoen arabera, lagun bat atxilotu dute; zaurituta eraman duten iturri horien arabera. Ertzaintza Guardia Zibila babesten izan da gaurko operazioan, Herrira-ren aurkakoan egin zuen modu berean. Sortuk agerraldia egingo du 18:00etan operazioaren balorazioa egiteko.

Espainiako Barne Ministerioak aurreratu duenez, bilera bat egiten ari ziren abokatuak Bilbon, eta bertan atzeman dituzte. 15:30ean iritsi da Guardia Zibila Bilboko egoitzaren aurrera. Guardia Zibilaren zortzi patrol bidali ditu Auzitegi Nazionalak, eta sarrera zigilatu dute. 15:55 aldera heldu dira poliziak Hernaniko egoitzara (Gipuzkoa), eta atea botata sartu dira barrura. Oihana Elduaien BERRIAko kazetariak Twitterren kontatu duenez, Ainhoa Baglieto eta Haizea Ziluaga abokatuak Hernaniko egoitza barruan daude, baina ez atxilotuta, lekuko gisara baizik.

Atea irekitzen dutenean sarreran ikusten dira Baglieto eta Ziluaga. Ez dirudi miaketa oso gertutik jarraitzen uzten ari zaienik. Ezin jakin.
— Oihana Elduaien (@oihanaelduaien) January 8, 2014

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut