EAEKo hautesundeak

AG: "Eskandalu politikoa da Espainiako Gobernutik ezarri nahi duten ideien bazterketa"

AG Aukera Guztiak hautesle elkartearen iritzian, "onartezina eta erabateko eskandalu politikoa da, demokraziaren izenean Espainiako Gobernutik ezarri nahi duten ideien bazterketa". Arau nagusia "suntsitu" nahi dutela salatu dute: "aukera politiko guztiek berdintasunean euren proiektuak defendatu eta botoak bilatzeko duten eskubidea". "Euskal herritarren askatasun demokratikoa eta euren eskubide zibil eta politikoak ezerezean utzi dituzte". Guzti horrek,"sortzera behartu gintuen egoera, hau da, eskubide zibil eta politikoen urraketa, areagotu besterik ez" duela egin diote, eta beraien lanean jarraitzeko konpromisoa berretsi dute.

Berria -

2005eko martxoak 21
Aukera Guztiak hautesle elkarteak gaur kaleratutako oharrean salatu du "alde guztietatik" beraien kontrako "mehatxu eta erasoak" datozela. Espainiako Gobernuak eta Espainiako fiskal nagusi Conde Pumpidok beraien ekimenaren "zilegitasun demokratikoa" behin eta berriz "zalantza" jarri dutela diote, baina beraiek, "eskatutako legezko baldintza guztiak" bete dituztela azpimarratu dute. Horregatik, "zerbaiten zilegitasun demokratikoa zalantzan jarri behar bada, apirilaren 17ko hauteskundeena" jarri behar dela azpimarratu dute. "Izan ere, nola uler daitezke herritar guztien parte hartzeko eskubidea onartzen ez duten hauteskunde batzuk? Nola demokraziaren oinarriak hankaz gora bota gabe?" Guzti hori ikusita, beraien hautesle elkartea sortu arazi zuen "eskubide zibil eta politikoen urraketa, areagotu besterik ez" dela egin diote, eta beraz, lanean jarraitzeko "borondatea indartu" zaiela diote. "Aukera Guztiak hautesle elkarteak aurrera egingo du, herri honekin konpromiso bat hartu dugulako; herritarren eskubide zibil eta politikoen alde konpromiso irmoa hartua dugulako. Horrenbestez, ez dugu aurrez ikusten Aukera Guztiak ekimena presente ez dagoen eszenario politikorik".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna