Hiru puntu azpimarratu ditu Alice Leiziagezahar Akitaniako Kontseilariak eragileen izenean: Euskal Herrian konponbide politikoaren aldeko gehiengo zabala osatzen ari dela, Frantziak eta Espainiak blokeo egoeran segitzen dutela eta nazioartean segida duela Aieten finkatutako bide orriak.
EEPk eta EIPKk aurteztutako bide orriak Foro Sozialalak egindako gomendioen ildoan kokatzen direla nabarmendu du Christophe Desprez LDHeko ordezkariak. "Ekarpen garrantzitsua da bake prozesuaren eraikuntzan eta garapenean". Bi bide orriak onartu dituztela jakinarazi du, baita horietan sakontzeko engaiamendua azaldu. Ildo berean, Estatuen jarrerak aldatzeko engaiamendua hartu dutela adierazi du.
"Gatazka gainditzeko gakoa Euskal Herrian dago, gizartearen gain, gure teilatuan dago pilota; Eskutan ditugu bi bide orriak eta elkarlanean aztertuko ditugu eta urratsak egin" erran du Jean-Francois Lefort "Lof" sortuko kideak. Interpelazio zuzena egin diote gaur Baionan dagoen Christiane Taubira Frantziako ministroari, aski dela erranez eta urratsak eskatuz konponbidearen norabidean.
