Literatura
Antton Lukuk dantzaren eta antzerkiaren “dimentsio politikoa” aztertu du ÑLibertitzeaz’ liburuan
Urte askoan pilatutako esperientziak eta gogoetak bildu ditu ia 500 orrialde dituen saiakera batean.
Dantzari eta antzerkilari gisa hainbat hamarkadatan bildutako esperientziak eta gogoetak jaso ditu Antton Luku idazle baxenabartarrak (Kalifornia, 1959) Libertitzeaz saiakera mardula (Pamiela) osatzen duten ia-ia 500 orrrialdeetan.
Dantza eta antzerki tradizionalaren ikuspegi sakon batean, “dimentsio politiko bat” atzematen du Lukuk, “humanismo bat”, “munduari so egoteko modu bat”, belaunaldiz belaunaldi transmititzen dena, eta horretaz ohartu eta hori ezagutzea funtsezkotzat du kulturaren arloko sorkuntza berriei ekiteko lehen pauso gisa.
Berak bere inguruan ezagututako errealitateaz egindako gogoeta Euskal Herri osorako baliagarri delakoan dago Luku, eta Euskal Herrian ezagutu dituen dantza eta antzerki esperientziek ideia hori berresteko balio izan diote.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
