Literatura

Jose Antonio Retolaza komikigile aitzindaria hil da

Kili-Kili pertsonaia eta izen bereko aldizkaria sortu zituen 1966an, euskaltzaletasunak bultzatuta.

Retolaza. /
Retolaza. / Euskaltzaindia

Juan Luis Zabala -

2014ko martxoak 12

Jose Antonio Retolaza euskal komikigile aitzindaria hil da. Euskararen aldeko ekintzaile senak Kili-Kili pertsonaia eta izen bereko aldizkaria sortzera bultzatu zuen, eta biak oso ezagun egin ziren 1960 eta 1970eko hamarkadetan Bizkaiko ikastoletan. Lehenengoz 1966an argitaratu zuen Kili-Kili aldizkaria, Kili-Kili pertsonaia ere aurkeztuz, ezkutuan ateratako aldian aldiko argitarapen moduan. 

Horretaz gain, Iparragirre. Bizitza. 1820-1881 biografia argitarau zuen 1967an (S. Anton Katekesia); eta haur eta gazteentzako hainbat ipuin ere sortu zituen hiru liburutan: Ipuiñak (S. Anton katekesia, 1967), Arrotz ipuinak 2 (Kili Kili, 1987) eta Arrotz ipuinak 3 (Kili Kili-Euskarazaleak).

84 urte zituen Jose Antonio Retolazak. Bilbon jaio zen, 1929eko ekainean. Gasteizen egin zituen apaiz ikasketak, Bilbon merkataritzakoak eta Madrilen psikologia eta pedagogiakoak.

Asier Astigarrak Jose Antonio Retolazaren biografia idatzi zuen Bidegileak bildumaren 33. zenbakian (Eusko Jaurlaritza, 2003).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna