Euskal Herria

Iñaki Alegria da UEUko zuzendari berria

Karmele Artetxeren lekukoa hartu du gaur Alegriak, Udako Euskal Unibertsitatearen batzar nagusian. Bihar Alegriarekin egindako elkarrizketa argitaratuko du Berriak.

/ UEU

Urtzi Urkizu -

2014ko martxoak 15

Iñaki Alegria (Donostia, 1958) da gaurtik UEUko zuzendari berria. 1984tik UEUkidea, sei urtetan zuzendaritza taldean aritua, informatikan doktorea eta EHUko irakaslea da Alegria. Duela gutxira arte EHUko Informatika fakultateko dekanordea izan da.

UEUk iragarri du 2014an orain arteko ibilbideari jarraipena emango diola, bai arlo estrategikoan (Euskal Unibertsitatearen proiektua) bai hezkuntzaren ildoan bai argitalpen eta datu baseen jardunean.

Bihar Iñaki Alegriarekin egindako elkarrizketa argitaratuko du Berriak. Honatx elkarrizketako pasarte batzuk:

"On line irakaskuntza da orain indartu nahi dugun proiektuetako bat".

"Konturatu gara gazte euskaldun formatu asko daudela, tesiak egiten eta ikerketa zentroetan ari direnak".

"Jaurlaritzarekin bide berri bat aztertu nahiko genuke, argitalpenak hasieratik Interneten jartzeko".  

"Nafarroako Gobernuan aldaketa etorriko balitz, gustatuko litzaiguke harreman hori berreskuratzea".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna