Zientzia

CAF-Elhuyar kazetaritza saria, hirugarrenez, Gorka Zabaletarentzat

Angulen inguruan egindako artikulu batengatik saritu dute Zumaiako 'Baleike' aldizkariko kazetaria. Amaia Portugal BERRIAko zientzia kolaboratzailea eta UEU ere saritu dituzte, besteak beste.

Sarituak.
Sarituak. / @Elhuyar

Ainara Arratibel Gascon -

2014ko apirilak 11

Harrituta baina pozik jaso du Zumaiako Baleike aldizkariko kazetari Gorka Zabaletak zientzia kazetaritzaren alorreko CAF-Elhuyar saria. Iazko urtarrilean, euskal itsasadarretan eta ibaietan urri baina urre diren angulei buruz egin zuen erreportajea saritu du epaimahaiak. "Primeran erabili ditu kazetaritza baliabide guztiak. Hizkuntza eta egitura egokiak ditu, eta azalpen interesgarriak". 

Oraingo honetan, alor horretan aipamen berezi bat egitea erabaki du epaimahaiak. Amaia Portugal BERRIAko zientzia kolaboratzailearentzat izan da, Georgiako Dmanisiko aztarnategiko ikertzaileek argitaratutako ikerketa bati buruz idatzitako artikuluarengatik. "Egia esateko, azken orduan egindako artikulua izan zen, baina aditu aproposekin hitz egitea lortu nuen. Amaieran gustura geratzen zaren artikulu horietako bat izan zen", esan du Portugalek.

Merezimendu saria eman diote UEUri, «hainbat diziplinatan egindako dibulgazio lanagatik, euskararentzat eremu berriak lantzeagatik, eta elkarlanerako erakutsitako gaitasunagatik». Teleportazio kuantikoaz dihardu dibulgazio artikuluaren saria jaso zuen lanak. Gorka Azkune informatika ingeniariarentzat izan da saria.

Doktore tesiari buruzko dibulgazio artikuluaren saria Eneko Bachillerrek eskuratu du, Bizkaiko Golkoko espezie pelagiko nagusien ekologia trofikoaz egindako lanagatik. Sorkuntza bekari esker, Xabier Erkizia kazetari, ekoizle eta musikariak garai bateako euskarrietan gordetako soinuak aurkitu eta erregistratzeko proiektua garatu ahalko du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna