Albistea entzun

IRPH

Kutxabanken kontrako 30 salaketa jarri dituzte IRPHaren kaltedunek

Donostiako Merkataritza Arloko Epaitegian jarri dituzte salaketak 30 familia gipuzkoarrek.

IRPHak kaltetuak Justizia Jauregiaren aurrean, Donostian
IRPHak kaltetuak Justizia Jauregiaren aurrean, Donostian / J. Urbe/ARP

Jon Fernandez -

2014ko maiatzak 21 14:10

Maiatzaren 7ko garaipenak animatuta —justiziak arrazoi eman zion IRPHak kalte eginiko Tolosako bikote bati—, IRPHak kalte eginiko Gipuzkoako beste 30 familiak ere Kutxabanken kontrako salaketa jartzea erabaki dute. Donostiako Merkataritza Arloko Epaitegian jarri ditutze salaketak, eta prentsaurrekoa egin du jarraian IRPH Stop Gipuzkoa plataformak. Gogoratu du epaitegi berak guztiz onetsi zuela plataformako kide den familia baten salaketa eta IRPH indizearen aplikazioa bertan behera utzi duela euren maileguan. "Kutxa Euribor+%1 atzerako eraginez aplikatzera zigortua izan da, IRPHaren arabera ordaiduriko guztia berriz kalkulatu eta gehiegikeriaz kobratu dituen interesak itzuliaz". Atzo jarritako 30 salaketekin emaitza bera lortzea espero du plataformak.

Baina Kutxabankek helegitea jarri dio epai horri, eta hain zuzen horregatik erabaki du plataformak beste 30 salaketa jartzea. "Ikusirik Kutxabank ez dagoela epai hau onartzeko prest, atzoko 30 salaketak jartzea erabaki dugu, iruzur honekin amaitzeko dugun borondatea irmoa dela erakutseko". 

IRPH Stop plataformak eta Kaleratzeak Stop elkarteak idatzi bateratu bat aurkeztu dute, eta Kutxako administrazio kontesiluko kideei bidaliko die. Hiru aldarrikapen nagusi biltzen ditu idatziak: "epaiari helegitarik ez jartzeko eskatu diote finantza erakundeari, epaia berahala aplikatzea (Euribor+%1 atzerako eraginez aplikatuz eta gehiegikeriaz kobraturikoa itzuliz, eta neurri hauek IRPHaren edozein aldaeraren kaltedun diren Kutxabankeko bezero guztiei aplikatzea).

Antisoziala eta antisistema

Eskari horiek ez betetzea, "Kutxabankek agertu nahi duen erantzukizun sozialaren aurka joatea litzateke". Plataformen ustez, "erababat antisoziala" litzateke, eta baita "guztiz antisistema ere. Justizia administrazioa Kutxabanken aurkako salaketekin kolapsatuko litzatekeela ohrtarazi dute bi plataformek. "Izan ere, gaur [atzo] 30 familia izan gara, baina bihar 300 edo 3.000 izan gaitezke, Gipuzkoan IRPHaren kaltedun izan daitezkeen 10.000 familietara iristi arte". 

Kutxako aministrazio kontseilua hilaren 29an bilduko da, eta bertako kideei IRPHaren gaia bilera horretan bozkatzeko eta erantzukizunez jokatzeko eskatu diete kaltetuen plataformek. "Orain arte, Kutxaren administrazio kontseiluan EH Bildu koalizioaren ordezkariek bakarrik egin dute IRPHaren aurka, eta EAJ, PSE, PP, COO eta Pixkanakaren ordezkariek aktiboki defendatu dute abusuzko indize hau", gogorarazi dute. 

Azkenik, Espainiak Gobernuari ere pare bat eskari egin dizkete bi plataformek. Batetik, ez duela EBko 93/13CEE zuzentaraua betetzen, ez duelako kontsumitzaileekin egiten diren kontratuetan abusuzko klausularik ez egotea zaintzen. Bestetik, IRPHaren aldaera guztiak behingoz baliogabetzeko eskatu diote Madrili, eta guztientzat ordezko bezala Euribor+%1 ezarriz. 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Metaleko langileen mobilizazioetako bat, gaur goizaldean. ©Foku

Bizkaiko metalgintzako grebak %85eko erantzuna izan du goizean, antolatzaileen arabera

Imanol Magro - Iker Aranburu

Piketeen goiza Trapagaranen hasi da, Productos Tubularesen, eta ez da langilerik sartu lantegira. Ondoren, bat egin dute Amazoneko logistika zentroko langileen grebarekin

Protesta, gaur goizean Amazonek Trapagaranen duen banaketa zentroen atarian. ©BERRIA

20.000 pakete baino gehiago banatu gabe Trapagarango Amazonen

Olatz Silva Rodrigo

Langileek salatu dute enpresak edozein negoziazio motari uko egiten diola. Langile talde osoak egin du greba cyber monday egunean

ELAk Bilbon egin duen manifestazioa. / ©ELA

Langileak pobretzen ari dela leporatu dio ELAk patronalari

Irune Lasa

Grebaren lehen egunean, Bilbon manifestazioa egin dute metalgintzako langileek ELA sindikatuak deituta

Iñaki Zabaleta, Saioa Urriza eta imanol Pascual, ELAren Iruñeko egoitzan ©ELA sindikatua

ELA: «Nafarroako 2023ko aurrekontuak legealdiko okerrenak dira»

Joxerra Senar

Sindikatuaren arabera, ez diote egungo egoera ekonomiko zailari aurre egiten eta behar sozialei erantzuten: Europako funtsak kenduta, %1,6 baizik ez dira handitu, «KPIaren eta BPGaren oso azpitik»

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...