LURRALDE GARAPENA

Hemeretzi proiekturi 114.000 euro banatuko dizkie Udalbiltzak

Hautatu proiektuei heldu den ostegunean emanen diete diploma, Elizondon, eta orduan eginen dute publiko lagundu proiektuen zerrenda.

Maite Iturre, Iker Elosegi, Marie Claire Salaberri eta Ruben Gomez. SYLVAIN SENCRISTO
Nora Arbelbide Lete.
2014ko ekainaren 17a
13:03
Entzun

Euskal Garapen eta Kohesio funtsetik dator dirua, Euskal Pirinioetan lan eta bizi programaren baitan sartzen dena. Hemeretzi proiektu horien artean bederatzi Nafarroa Beherekoak eta Zuberokoak dira, eta gaineratekoak, Nafarroa Garaikoak.

66 proiektu izan dira deialdiari erantzun diotenak, horien artean 47 egitasmo berri. Udalbiltza poztu da jaso proiektu proposamenen artean, horien “kalitateaz, aniztasunaz eta bultzatzaileen heterogeneitateaz”. Udalbiltzak azpimarratu du gero eta gehiago direla “programa honetan inplikatzen diren entitateak”.

Joan den otsailean iragarri Muskildiko Azkorria gasnategiari eta Alozeko ikastolari eman babesa ez da programa berezi honetan sartzen. Horiek funts berari lotuak dira, baina Pirinioak sendotzen izeneko programa pararelo bati dira lotuak. Gasnategiarekin mailegu kontratu bat egin zuen Udalbiltzak. Esne bilketarako langile bat kontratatu ahalko du horrela gasnategiak. Eta Aloze ikastolari 6.000 euroko laguntza ematea aztertzekoa zuen.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.