Ukraina

Ukrainako errefuxiatu oldeagatik, larrialdi egoera Errusiako sei eskualdetan

Iturri ofizialen arabera, gaur egun 20.000 iheslari inguru daude Errusia hegoaldeko 306 errefuxiatu guneetan. Ukrainan, berriz, borroketan Ukrainako armadako 22 soldadu hil dituzte.

Slovianskeko etxe bat, suntsituta.
Slovianskeko etxe bat, suntsituta. ANASTASIA VLASOVA / EFE

Berria -

2014ko uztailak 10

Rostoven, Volgograden, Astrakhanen, Stavropolen, Kalmikian eta Sebastopol hirian larrialdi egoera ezarri dute Errusiako agintariek, eta Belgorod eta Voronezh eskualdeetan, berriz, alerta egoeran daude, Ukrainatik ihesi iristen ari diren milaka errefuxiatuak direla eta.

Moskuk salatu du uztailaren hasieran Ukrainak su-etena amaitu eta borrokak hasi zituztenetik nabarmen handitu dela iheslari oldea.

Liskar gogorrak

Sloviansk eta Kramatorsk hirien inguruetan borrokan jarraitzen dute Ukrainako armadak eta miliziano errusiazaleek. Milizien bozeramaileak Ria Novosti Errusiako agentziari jakinarazi dionez, azken orduetan Kramatorskeko aerodromoaren alboan hemezortzi lagun hil dituzte; Sloviansken, berriz, lau.

Joan den astean ihes egin zuten erruzialeek bi hiri horietatik, eta Kieven aldeko indarrak eremua berreskuratuz joan dira Ukrainako hego-ekialdean. Inguruan dagoen Seversk hiriak jarraitzen du errusiazaleen menpe. "Egoera hala azal daiteke: etsaiak indarrak pilatzen jarraitzen du Donetskera bidean, eta gu hori saihesten ahalegintzen ari gara", esan du bozeramaileak.

Stanislav Rechinski Ukrainako Barne Ministerioko aholkulariak dioenez, miliziano errusiazaleek "maniobra taktiko" gisa erakutsi nahi dute Sloviansk Ukrainako armadaren esku utzi izana, baina, errealitatean, "ihesaldi bat" izan da. Uste du "terroristak urduri" daudela, eta badakitela dituzten baliabideekin ezin dietela eutsi Luhansk eta Donetsk bezalako hiriei. Kieven arabera, bi aldeen arteko gatazka hasi zenetik 478 zibil hil dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna