Euskaltzaindia

Xabier Aranburu kazetari eta euskaltzain urgazlea hil da

'Olerti', 'Zeruko Argia' eta 'El Bidasoa'-n idatzi zuen besteak beste.

Berria -

2014ko uztailak 11

Atzo hil zen Xabier Aranburu (Hondarribia, 1931), Donostian, 82 urte zituela; gaur egingo dira haren aldeko hileta elizkizunak, Groseko San Ignazio parrokian, 18:00etan.

Aranburuk Madrilen egin zituen kazetaritza ikasketak, eta Donostiako La voz de España egunkarian lan egin zuen. Era berean, Gipuzkoako Kazetarien Elkarteko presidentea ere izan zen.

Artikulu eta liburu ugari idatzi zuen, eta, besteak beste, Olerti, Zeruko Argia eta El Bidasoa aldizkarietan argitaratu zituen bere lanak.

Euskaltzaindiak 1975eko ekainean izendatu zuen euskaltzain urgazle. Euskalerriko Adiskideen Elkarteko eta Eusko Ikaskuntzako kidea zen, baita Gipuzkoako Ozeanografia Fundaziokoa ere. Bestalde, Euskal Dantzarien Biltzarraren sustatzaileetako bat izan zen.

Hondarribikoa izanik, herri horren gaineko hainbat liburu idatzi zituen: El camino de Santiago por Hondarribia, Arqueologia en el Jaizkibel, Hondarribia ciudad amurallada, Ondarribiko alardea...

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna