Mundua

Tren bat bidetik atera eta gutxienez hogei bidaiari hil dira Moskun

Trenbideko seinaleak bat-batean itzali dira, eta, ondorioz, gidariak trena kolpetik geldiarazi eta bidetik atera da.

Moskuko tren istripuan zauritutako bat artatzen.
Moskuko tren istripuan zauritutako bat artatzen. YURI KOCHETKOV / EFE

Berria -

2014ko uztailak 15

Hasiera batean Moskuko metroan gertatutakoa atentatua izan ote zitekeen zabaldu bada ere, istripua izan dela berretsi dute segurtasun indarrek. Horien arabera, itzalaldi baten ondorioz, trenbideko seinaleak itzali direnean, gidariak gelditu egin du trena, eta hura bidetik atera da. Oraingoz, eta iturri ofizialen arabera, hildakoak hogei dira, baina zaurituak ehun inguru dira.

Osasun zerbitzuek hirurehundik gora lagun atera behar izan dituzte treneko bagoietatik.

Azken bi urteetan Moskuko metroan gertatutako istripurik larrienetako bat izan da gaurkoa. Aurretik, 2012ko ekainaren 5ean, trenean zihoazen 4.500 bidaiariak atera behar izan zituzten, Lenina liburutegiaren eta Ojotni Riad geltokien artean piztutako sute baten ondorioz. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna