Dantza

Koldo Zabala dantzaria hil da

36ko gerran Ipar Euskal Herrian erbesteratu, eta Oldarra dantza taldea erreferente bihurtzen lagundu zuen.

Koldo Zabala. /
Koldo Zabala. / Bob Edme

Berria -

2014ko uztailak 15

Koldo Zabala (Getxo, 1936) igandean hil zen, gaixotasun baten ondorioz, eta ostegunean ehortziko dute, Miarritzen, San Martin elizan.

36ko gerratik ihesi, Zabalak Ipar Euskal Herrian igaro zuen gaztaroa, eta, hain zuzen ere, han piztu zitzaion dantza tradizionalarekiko interesa. Oldarra taldearekin hasi zen, 1947an, baina gero Parisera jo zuen, han prestakuntza klasikoarekin segitzeko asmoz, eta Alexandr Volinin eta Yves Brieux-Ustaritze izan zituen irakasle, besteak beste.

Bordeleko Antzokiko balletean dantzari aritu zen, baina 70eko hamarkadan Oldarra taldera itzuli zen, eta dantza taldea erreferente bihurtu zuen urte haietan.

2011n, Mizel Thereten Oroitzen naiz dantza proiektuan aritu zen, Jean Nesprias eta Philippe Oihanbururekin batera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna