Literatura

Luis Garderi eman diote Xabier Lete saria

'Eremuen birkalifikatzea' poesia liburuagatik jaso du saria

Luis Garde, saria jasotzen. /
Luis Garde, saria jasotzen. / Jon Urbe/Argazki Press

Irati Urkiola -

2014ko uztailak 23

Igor Estankona, Joxerra Garzia, Tere Irastorza, Jose Angel Irigarai eta Lourdes Otaegik osatutako epaimahaiak Luis Garderen Eremuen birkalifikatzea lana aukeratu du Xabier Lete sariaren bigarren edizioko irabazle. Otaegik adierazi duenez, "ausardia" izan da epaimahaia erakarri duena, eta hala, haien iritziz, " liburuko poemetan arnasa handiko ahots poetikoa mintzo da, oreka bereziz elkartzen dituena gizarte kritika eta metapoetika". 23 lan aurkeztu dira aurtengo sariketara, eta lan horien "kalitate aipagarria" azpimarratu dute. 

Eremuen birkalifikatzea Garderen zazpigarren lana da, eta lan guztiak dira haren esanetan "ezberdinak"; bai gai aldetik, eta baita tonu aldetik ere. Oraingo lan honetan, krisi sozial, ekonomiko, moral eta etikoaren gaiak lotzen ditu poema guztiak; hori da liburuaren hari orokorra. Hala ere Gardek adierazi duenez, "sobera monotono" ez izaten saiatu da. Bestalde, saririk ederrena "irakurketa bera" dela azaldu du idazleak.

2011. urtean sortu zuen Gipuzkoako Foru Aldundiak poesia sari hau XX. mendeko poeta handiaren memoria eta lana denboran ez galtzeko helburuarekin. Sariketaren lehen ekitaldian, duela bi urte egindakoan, Karlos Linazasoro izan zen irabazlea Ezer gehiago behar gabe lanarekin (Pamiela, 2012). 22 lanek hartu zuten parte bertan.  

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna