Komunikazioa

Marc Aillet apezpikuak Lapurdi Irratitik kanporatu du Peio Ospital

Olivier Drape elizbarrutiko komunikazio arduradunaren arabera, Ospital ez da ongi etorria Lapurdi Irratian.

Peio Ospital, pasa den ekainaren 14an. /
Peio Ospital, pasa den ekainaren 14an. / Sylvain Sencristo

Urtzi Urkizu -

2014ko uztailak 24

Elizbarrutiaren menpe da Lapurdi Irratia. Irrati kristaua da. eta bertan hainbat urtez esatari eta kolaboratzailea izan da Peio Ospital kantaria. Baina jada ez da ongi etorria, Marc Aillet apezpikuak kanporatu egin baitu. Olivier Drape elizbarrutiko komunikazio buruak bidalita, Alexandre Agerre langilea kantariaren etxera joan zen. Lokaleko gakoak itzultzeko errekeritu zion, eta hala egin du kantariak.

Ospitalek argitara eman duen gutun batean adierazi duenez, Drapek leporatu dio deabruan sinesten duela. "Deabrua ikusten du ni bezalako pertsonen ekintzen bitartez", adierazi du Ospitalek. Gutunean esatariak gaineratu du irratira hilean zenbat aldiz joaten zela orain arte, eta "harrituta" hartu du mezulari baten bitartez neurriaren berri eman izana. Ospital irratiko administrazio kontseiluko kidea da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna