ebola

Afrikako Batasunak "mundu mailako erantzun bat" eskatu du Ebola gelditzeko

Afrika ekialdean gutxienez 729 lagun hil dira gaitzak jota.

Merkatari bat eskuak garbitzen, Liberian. /
Merkatari bat eskuak garbitzen, Liberian. / AHMED JALLANZO / EFE

Berria -

2014ko abuztuak 1

Ginean, Sierra Leonan eta Liberian Ebola kasu gehiago agertu dira azken egunetan. Egoeraren larria ikusita, Nkosazana Diamini Zuma Afrikako Batasuneko batzordeko presidenteak "adostutako ekintza bat" eskatu du, "mundu mailako erantzun bat". Hildakoak gutxienez 729 dira, eta 1.300 kutsatutakoak.

Kasu gehien Ginean, Sierra Leonan eta Liberian dute; hala ere, duela astebete Nigeriara ere hedatu zen gaitza, eta hildako bat eragin. Herrialde horietako batzuetan hasiak dira neurriak hartzen; Sierra Leonan, esaterako, larrialdia ezarri dute. Gaixotasunaren epizentro guztiak berrogeialdian jarriko dituzte, eta leku publikoetan bilera jendetsuak mugatu. Gainera, hiriburuko aireportuan segurtasun neurriak zorroztuko dituzte. Libanon ere zenbait neurri hartu dituzte, kutsatzea eragozteko.

Osasunaren Mundu Erakundeak ohartarazi du Ebola birusak kutsaturikoak dituzten herrialdeek mugak jar ditzaketela pertsonen zirkulazioari dagokionez. Dena den, Margaret Chan antolaketako zuzendari nagusiak argitu du erabaki horiek herrialde bakoitzaren egoeraren arabera hartuko direla.
 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna