uholdeak

22 laguntza eskaera aurkeztu dituzte uholdeek Baztanen eragindako kalteengatik

Udalak txosten bat aurkeztu du kalteak zenbatuz, eta 500.000 euro eskatu ditu.

Elizondon, uholdeen biharamunean. /
Elizondon, uholdeen biharamunean. / Gorka Rubio/Argazki Press

Berria -

2014ko abuztuak 5

Hilabete da uholdeek Baztan ibarrean (Nafarroa) kalte larriak eragin zituztenetik. Garbiketa lanen ondotik, kalteak pixkanaka konpontzeko garaia da; horietako batzuk aurrera eramateko, ezinbestekoa dute laguntza. Hori horrela, guztira 22 eskaera egin dituzte, udalaren eta norbanakoen artean.

Udalaren eskaeraz gain, beste sei eskari etxebizitzetan izandako kalteentzako izan dira; beste bat etxejabeen elkarte batek aurkeztu du, eta 14 saltokik ere bete dute eskabide orria.

Eskaerak Espainiako Gobernuaren ordezkaritzan egin dituzte, eta orain Babes Zibilaren Zuzendaritza Orokorrera igorriko dituzte, aztertzeko. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna