Errusiari jarritako zigorrei erantzuteko agindu du Putinek

 

Berria -

2014ko abuztuak 5

Vladimir Putin Errusiako presidenteak gobernuari eskatu dio presta ditzala Errusiaren kontra onartu diren zigorrei "erantzuteko neurriak". Agindua emanda dago, eta gobernuak neurri horietako batzuk proposatu ditu dagoeneko.

Hala ere, Putinek ohartarazi du erantzuna ematerako orduan "tentuz" jardun beharko dutela, enpresen eta kontsumitzaileen interesak kontuan hartuz. 

Errusiari zigor ekonomikoak jartzea adostu berri du Europako Batasunak, Ukrainako gatazkan duen jarreragatik. Putinen ustetan, zigorrok "onartezinak" dira.