Irak

Milaka familia ihesean doaz, Estatu Islamikoak Irak iparraldeko herrien kontrola hartu ahala

Mosul iparraldeko Al Hamdania eta Telkif herriak islamisten kontrolpean daude.

ISISeko kideek ustez Mosulen uztailean txikitu zuten hilobi sakratu bat. /
ISISeko kideek ustez Mosulen uztailean txikitu zuten hilobi sakratu bat. / STR/EFE

Berria -

2014ko abuztuak 7

Estatu Islamikoa miliziak aurrera egiten jarraitzen du, eta zenbait iturriren arabera, peshmerga kurduek atzera egin behar izan dute. Ondorioz, milaka familiak ihes egin dute Mosul iparraldeko herrietatik.

Azken egunetan islamistek gehiengo kristaua duten eremuen kontrola hartu dute, eta Kurdistan Atunomoko hiriburura gerturatzen ari dira.

Duela hiru egun, berriz, Sinyar berenganatu zuten, eta milaka familia inguruko mendietara ihes egitera behartu. Unicefek salatu du ihesaldian 40 adingabe hil direla, bai erasoen ondorioz eta baita mendietako bizi baldintzen eraginez ere.

Bi gatazka batean

ISISen eraginez,  Siriako eta Irakeko gatazkek bat egin dutela ondorioztatu dute adituek. Eta horrek biei paratu die kolokan estatu-nazio izaera. Azken hamarkadatan Ekialde Hurbila beti izan da gune gatazkatsua. Baliabide natural aberatsak dauzka, eta potentzia handien lehia geopolitikoan berebiziko garrantzia dauka eremuak. Horri gehitu behar zaio etnia, tribu eta erlijio aniztasun berezia daukala eta egungo mugek ez dituztela kontuan hartzen banaketa horiek. Desberdintasun etniko-erlijioso horiek astindu direnean, kolonialismo ondorengo aroan sortutako nortasun nazionalak ahuldu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna