IPARRALDEKO IKASTOLAK

Paueko administrazio auzitegiak astelehenean emanen du epaiaren deliberoa

Goizean egin dute Ziburuko ikastolaren auziko epaiketa. Ikastola egun duen lekutik botatzea galdegin du herriko etxeak.

Ziburuko Herriko Etxearen aitzinean, Kaxkarotenia ikastolaren aldeko elkarretaratzea.
Ziburuko Herriko Etxearen aitzinean, Kaxkarotenia ikastolaren aldeko elkarretaratzea. / Sylvain Sencristo

Berria -

2014ko abuztuak 29

Paueko Administrazio Auzitegian, goizean egin dute Ziburuko ikastolaren aurkako epaiketa. Guy Poulou Ziburuko auzapezak eraman du ikastola auzitara.

Bi urte ditu Ziburuko ikastolak. Marinela auzoko eskola publikoan lanak egin behar zituztela eta, auzapezak berak proposaturik, eskolako eremuan zegoen eraikin prefabrikatuan sartu zen Kaskarotenia ikastola.

Baina uztailaren 5ean bukatu zen herriko etxearen eta ikastolaren arteko hitzarmena, eta lekua husteko galdegin zien Poulou auzapezak, Marinelako leku horretan obrak egin behar dituztela argudiatuta.

Ikastolako kideek ez zutela lekua hustuko arazoa konpondu artean, eta auzapezak auzitara eraman zuen ikastola. Abuztuaren 12an Baionako auzitegian ikusi zuten salaketa. Epaileak erabaki zuen ez zela bere eskumeneko gaia. Poulou auzapezak, orduan, Paueko auzitegira jo zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna