palestina

Israelek palestinarren 400 hektarea konfiskatu izana gerra krimentzat jo du Palestinak

Lur atxikitzeak ikertzeko eskatu dio batasun nazionaleko gobernuak NBEri.

Gevaot kolonia. /
Gevaot kolonia. / ABIR SULTAN/EFE

Berria -

2014ko irailak 2

Rami Hamdallah lehen ministroak gaitzetsi egin du Israelgo Gobernuak Gush Etzion koloniaren ondoan palestinarren 400 hektarea konfiskatu izana, eta Israelek egiten duen nazioarteko legediaren urraketaren barne kokatu du erabakia.

Batasun nazionaleko gobernuak NBEren Batzar Nagusiari eta Giza Eskubideen Batzordeari eskatu die bidal dezatela ordezkaritza bat lur atxikitzeak ikertzeko. AEBak "oso arduratuta" agertu dira Israelen erabakiarekin, eta bertan behera uzteko eskatu diote.

Betleem hiriaren hegoaldean, Gush Etziongo koloniatik oso gertu, azken 30 urteetako lur atxikitze handiena agindu du Israelek. Gevaot koloniari erantsiko diote 400 hektareako lursaila, gaur egun hamabost bat israeldar bizi diren barrutian "herri berri bat" eraikitzeko. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna