jordi pujolen auzia

Pujol ikertzeko batzorde bat sortzeko eskaria erregistratu dute ERCk, ICV-EUiAk eta CUPek

Kataluniako Parlamentuko alderdi guztiek eskatu dute batzordearen sorrera, aurretik PPk eta C's-k beste eskaera bat aurkeztu baitzuten.

Dolors Camats eta David Fernandez diputatuak, eskaera erregistratu ondoren. /
Dolors Camats eta David Fernandez diputatuak, eskaera erregistratu ondoren. / TONI ALBIR / EFE

Berria -

2014ko irailak 3

Hiru alderdiek erregistratutako eskariaren arabera, helburua litzateke ikerketa batzordeak Jordi Pujol Generalitateko presidente ohiak atzerrian gorderik eduki dituen ondasunen gainean ikertzea.

Dolors Camats ICV-EUiAko bozeramaileak argitu du "ezinbestekoa" den ikerketa batzorde horrek ez duela ordezkatzen atzo aho batez eskatutakoa, hau da, Pujolek parlamentuan agerraldia egitea. Pujol azalpenak emateko prest agertu den arren, egingo ez balu "errespetu falta" izango litzatekeela iritzi dio Camatsek.

Batzordea sortzeko beharrezkoa izango da bozketan PSC, C's eta PPren babesa izatea, edo, gutxienez, alderdi horietako baten abstentzioa. PSCk eta C's-k adierazia dute hura babesteko asmoa dutela. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna