TXILE

Hamalau lagun zauritu dira Txilen, Santiagon izandako eraso batean

Lehergailu batek eztanda egin du Txileko hiriburuko metro geltoki batean. Bi lagun larri daude.

Santiagon erasoa izandako lekua, anbulantziak eta Polizia bertan direla.
Santiagon erasoa izandako lekua, anbulantziak eta Polizia bertan direla. Mario Ruiz / EFE

Berria -

2014ko irailak 9

Txileko Gobernuak "eraso terroristatzat" jo du leherketa; "gure gaitzespen osoa merezi du. Gobernuak lege antiterrorista erabiliko du errudunak zigortzeko", esan du gobernuko bozeramaile Alvaro Elizaldek. Txilen azken 30 urtean izandako eraso handiena da.

Erietxe ugaritara eraman dituzte zaurituak, eta horietako batzuei ebakuntza egin diete. Michelle Bachelet Txileko Gobernuko presidenteak bertan behera utzi ditu agendan zituen zereginak, eta Las Condes ospitalera joan da zaurituetako hiruri bisita egitera.

"Ikusi dugun ekintza koldarrenetakoa da hau, pertsonei kalte egitea, beldurra sortzea eta herritar errugabeak hiltzea zuelako helburu", esan du Bacheletek erietxetik ateratzean: "Gertatutakoa beldurgarria da, gaitzesgarria, baina Txile herrialde segurua da, eta hala izango da aurrerantzean ere".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna