Diada

Kataluniako V-ren aurrekoa egin dute Bilbon

Berria -

2014ko irailak 9

Hainbat lagun elkartu dira Bilbon, Albia Lorategietan, V-a irudikatzeko. Ondoren, Euskal Herriko ANC Biltzar Nazional Katalanaren aurkezpena eta mahai ingurua egingo dituzte Kafe Antzokian. Bertan izango dira ANCko presidenteordeak, Jaume Marfanyk, eta Gorka Knörrek. Va osatzeko ekitaldian parte hartu du, besteak beste, Adolfo Muñoz ELAko idazkari nagusiak, Tasio Erkizia ezker abertzaleko militante historikoak eta Independentistak eta Gure Esku Dago ekimenetako ordezkariek.

"Legezko bozketa bat egingo dugula diogu, Kataluniako legedian oinarritzen garelako", esan du Marfanyk Bilbon. Diadako mobilizazioak herri galdeketari buruzko jarrera irmoari eusteko balioko duela uste du ANCko presidenteordeak: "Oso garrantzitsua da herritarren eta gizartearen indarra erakustea, eta erakustaldi horrek balioko du politikariek sendotasunez eusteko azaroaren 9ko bozketari".

Etzi egingo dute Kataluniako Diada, eta gero eta gehiago dira ANC Kataluniako Biltzar Nazionalak antolatutako mobilizazioan izena eman dutenak. Atzo lortu zuten iazko giza katean izena eman zutenen zifra gainditzea, eta gaur jakinarazi dute milioi erdi bat lagunek eman dutela izena Bartzelonan osatuko duten V erraldoian parte hartzeko. 

Diagonal eta Gran Via etorbideetatik abiatuko dira bi lerroak, eta Sant Marti plazako erpinean batuko dira. 200.000 metro koadrotik gorako eremuan, herritarrek mosaiko bat osatuko dute senyera-ren kolore hori-gorriekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna