irak

Irakeko armadaren berregituraketa, Estatu Islamikoaren kontra borrokatzeko

John Kerry AEBetako Estatu idazkariaren arabera, talde islamistaren aurkako estrategiaren parte da erabakia.

John Kerry AEBetako Estatu idazkaria Ibrahim al Jafari Irakeko Atzerri ministroarekin. /
John Kerry AEBetako Estatu idazkaria Ibrahim al Jafari Irakeko Atzerri ministroarekin. / THAIER AL-SUDANI/EFE

Berria -

2014ko irailak 10

Irakeko armadaren berregituraketa iragarri du John Kerry AEBetako Estatu idazkariak, Estatu Islamikoaren kontra borroka egiteko. Erabaki hori AEBen estrategia "global eta zabalaren" parte dela gaineratu du.

Iraken izan da Kerry, herrialdeko hainbat ordezkarirekin biltzeko —Fuad Masum presidentearekin eta Haider al Abadi lehen ministroarekin elkartu da, besteak beste—. Bilera horien amaieran adierazi duenez, Irakeko Gobernua gai litzateke, bakarrik, "laguntza apur batekin", Estatu Islamikoa garaitzeko. Hala ere, ziurtatu du talde islamistaren aurka egiteko batu diren herrialdeek lortuko dutela hura garaitzea. AEBek oraingoz ez dute lurreko erasorik egiteko asmorik, Kerryk ziurtatu duenez.

Barack Obama AEBetako presidenteak bere bide orrian markatutako lehenbiziko pausoa zen Iraken batasuneko gobernu bat ezartzea, horri ISren aurka militarki lagundu behar badio gutxieneko legitimitate itxura izan dezan.

Laguntza humanitario gehiago

AEBetako Gobernuak iragarri du 48 milioi dolar emango dizkiola Iraki, iheslarien "larrialdiko" beharretarako. Janaria, ur edangarria, osasun azpiegiturak eta beste emango dizkio. Gaurkoarekin, 186 milioi euro eman dituzte AEBek 2014n iheslariei laguntzeko.


 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna