Albistea entzun

pse-ee

Mendia izango da PSEko idazkari nagusi berria, %60ko babesarekin

Alderdiarentzat «garai berri bat» hasi dela nabarmendu du Lopezen ondorengoak. Mikel Torresek irabazi du Bizkaian, eta Cristina Rodriguezek Araban. Iñaki Arriolak jarraituko du Gipuzkoan.

Idoia Mendia, botoa ematen. /
Idoia Mendia, botoa ematen. / Alfredo Aldai/Efe

H.Iruretagoiena-L. Amatria -

2014ko irailak 17 09:00

Alderdiko buru izateko hautagai bakarra egonik, sorpresarako tarterik ez du utzi gaurko bozketak, Mendiaren hautagaitzari dagokionez behinik behin: 3.239 boto jaso ditu, eta bera da, behin-behinean, PSE-EEko idazkari nagusi berria —osteguneko 14:00 arteko tartea dago Etika Batzordean helegiteak aurkezteko—. PSEk dituen 5.351 afiliatuek zuten botoa emateko aukera, eta, hautagaitza aurkezterako, 2.239 abal erakutsi zituen.

5.351 afiliatuek 70 bozkalekutan izan dute babesa adierazteko aukera, egun osoan. 20:00etan itxi dira hautetsontziak. Behin betiko parte hartzea %70,21ekoa izan da bozketarako ireki dituzten 70 zentroetan. Lurraldeka, Gipuzkoan parte hartzea %81,91koa izan da; Bizkaian, %63,65ekoa; eta Araban, %70,82koa.

Lehen uneko balorazioa egin du Mendiak berak Bilbon, PSEren egoitza nagusian. Alderdikideak zoriondu ditu, eta PSE-EErentzat "garai berri bat" hasi dela esan: "Alderdia biziberritzea izango da nire zeregina".

Kongresua, 20 eta 21ean

Ofizialki, bihar izendatuko dute PSE-EEko idazkari nagusi Idoia Mendia, behin-behinean. Etzi helegiteak aurkezteko tartea utzi, eta ostiralean izango da behin betiko datuen onarpena. Larunbat eta igandean egingo du alderdiak ezohiko kongresua. Larunbatean berretsiko da Mendia alderdiko buru gisa, eta lehen hitzaldia egingo du jarraian. Aurrez, Pedro Sanchez PSOEko idazkari nagusi berriak eta Idoia Mendiari lekua utziko dion Patxi Lopezek ere hitzaldi bana egingo dute.

PSEren zuzendaritza osatzeko proposamenak larunbatean bertan egingo dira, eta igandean bozkaketa. Hori bai: Kongresuan ez dute militante guztiek parte hartuko. 302 delegatuk izango dute botoa emateko aukera: Arabako 39k, Gipuzkoako 96k, Bizkaiko 158k, EGAZ gazte erakundeko zazpik, eta Agrupacion Asociada taldeko bik. Militante kopuruei dagokienez, 753 ditu Arabak, 1.602 Gipuzkoak, eta 2.892 Bizkaiak.

Lurraldeetakoak

Araba, Bizkai eta Gipuzkoako PSEko idazkari nagusiak aukeratzeko bozketak ere gaur egin dira. Gipuzkoako botaketak Mendiaren hautaketak adina tarte utziko die sorpresei. Egun ere idazkari nagusi den Iñaki Arriola da hautagai bakarra, eta militanteen %60ren abalak aurkeztu zituen hautagaitzarekin. Egonkortuta dagoen buruzagia da, eta beste inork ez du aurkeztu bere burua haren lekua hartzeko.

Bina hautagai lehiatu dira Araban eta Bizkaian: Araban, Cristina Gonzalez nagusitu zaio Ivan Ruiz de Egilazi, eta Bizkaian, Mikel Torres Iñaki Egañari. Aurkeztutako abalei dagokienez, Gonzalezek aise gainditu zuen Ruiz de Egilazen kopurua, eta Torresek Egañarena. Nabarmentzekoa da lehiakideak izan diren bi herrialde horietan ere eztabaida inguratu duen giro lasaia. Liskarrik ez da plazaratu, eta hautagaiak aurrez aurreko eztabaida publikoak egin dituzte itxurak gordeta.

Herrialdeetako prozedurek ere PSE osokoaren egutegi bera izango dute, kongresuan ez beste guztian. Araba, Bizkai eta Gipuzkoako PSEren ezohiko kongresuak irailaren 27an egingo dira, bakoitza bere lurraldean, alderdiaren kongresu nagusia egin eta astebetera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

'Kalerainfo' aldizkaria, Sortuk antolaturiko hitzaldi batean, iazko apirilean. ©JON URBE / FOKU

'Kalerainfo' aldizkaria ixteko erabakia berretsi du Espainiako Auzitegi Nazionalak

Maddi Ane Txoperena Iribarren

Halaber egin du kalerakalera.eus webgunearekin ere. Ebatzi du «terrorismoa goratzeko tresna» direla

 ©Jesus Diges, EFE

Nafarroako Gobernuak ostiralean aurkeztuko die Euskararen Dekretua sindikatuei

Berria

Funtzio Publikoko Mahai Orokorrean aurkeztuko dute. Ordutik aitzina, sindikatuek hamabost eguneko epealdia izanen dute alegazioak jartzeko. PSNk aurreratu du euskara ez dela balioetsiko eremu ez-euskaldunetan.

Zaballako espetxearen atarian 2020ko abenduan euskal presoen seme-alaben eskubideen alde egindako ekitaldi bat. ©Jaizki Fontaneda / FOKU

Zaballan dira Maria Lizarraga eta Iñigo Gutierrez euskal presoak

Maddi Ane Txoperena Iribarren

3 urte bete berri dituen Izadi umearen gurasoak dira. Espainiako Espetxe Erakundeek abendu akaberan iragarri zuten Euskal Herriratuko zituztela, eta gaur gauzatu da lekualdatzea.

Omenaldia, gaur goizean, Donostian. ©Juan Herrero / EFE

Ramon Diaz oroitu dute Loiolan, ETAk hil eta 21 urtera

Maddi Ane Txoperena Iribarren

Senide eta lagunek omenaldia egin diote Donostian, ETAk hil zuen lekuan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.