Albistea entzun

abortua

Udazkenera, erreformarik gabe

Emandako hitza ez dutela beteko aitortu du Espainiako Gobernuko Justizia ministroak; atzeratu egingo dute abortuari buruzko lege berria. Argibide gehiago datorren astean ematekoa dela azaldu du.

Alberto Ruiz Gallardon Espainiako Justizia ministroa. /
Alberto Ruiz Gallardon Espainiako Justizia ministroa. / SERGIO BARRENECHEA/EFE

Arantxa Iraola -

2014ko irailak 17 10:33

Espainiako Gobernuak atzeratu egin du abortuaren erreforma. Alberto Ruiz-Gallardon Justizia ministro eta erreformaren bultzatzaileak berak gaur aitortu du ez dutela onartuko, eta ikusteko dago atzeratzeaz gain bertan behera ez ote den geratuko. El Mundo egunkariak aurreko astean aurreratu zuen gobernuak ez zuela erreforma onartuko, eta azaldu zuen PPren barruan ere badirela kontra daudenak. 

"Ez dago proiektuaren gaineko adostasunik, eta akordiorik lortzen ez bada —zaila dirudi—, legea ez da onartuko", argitaratu zuen kazeta horrek. Sobra ere, erreformak PPri kalte handia egin diolakoan daude PPn, eta uste dute hurrengo urteko hauteskundeetan are eta kalte handiagoa egin diezaiokeela alderdiari. Gallardonek argudiatu du Espainiako Gobernuak Kataluniako prozesu subiranistaren gainean jarri nahi duela buru-belarri, eta egunotan "egiteko" horretan ariko direla adierazi du.

Europa Pressen gosari informatibo baten aurretik egindako adierazpenetan esan du Kataluniako gaia "aste honetan" bukatuko dela "ziur aski", eta hurrengo astean abortuaren erreformaren gaineko azalpenak emateko konpromisoa hartu du.

"Helegite bat edo bi", Katalunia dela eta

Kataluniako prozesua dela eta, aste honetan Espainiako Auzitegi Konstituzionalean "helegite bat edo bi" jarri beharko dituztela uste du Ruiz-Gallardonek. Aitzakia horrekin azaldu du abortuaren erreformaren atzerapena. Uztailerako prest zegoen lege proiektua, eta Justizia ministroak udan iragarri zuen udazkena baino lehen onartuko zutela, eta uda irailaren 21ean amaitzen dela. Beraz, ostiral honetako ministro kontseiluan behar zuen gobernuak erreforma hori onartu.

Erreformak, ordea, erantzun handia jaso du kalean eta beste erakundeetan, eta atzeratuz joan da. Eusko Jaurlaritzak abortuaren erreforma bertan behera uzteko eskatu zuen uztailean, beste lau autonomia erkidegoek ere bai, eta Nafarroako Parlamentuko bozeramaileen batzordeak ere gauza bera galdegin zuen. Baionan ere egin zuten protesta Espainiako kontsulatuaren aurrean. 

Emakumeen Egunean ere protesten ardatz izan zen aurten abortuaren erreforma. Martxoan, gainera, Araba, Bizkai eta Gipuzkoako PPren kongresua eten egin zuten lau ekintzailek, Donostian, "abortua libre" oihukatuz. "Aurrean izango gaituztela adierazi nahi genion Rajoyri", azaldu zuten gero BERRIAn lau emakume horiek. 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Amaitu da Euskaraldia

Hizkuntza ohiturak aldatzeko ariketa sozialean jarraitzeko deia egin dute

Edurne Begiristain

Euskaraldia gizartean «txertatua eta normalizatua» dagoela esan dute sustatzaileek. Hirugarren edizioan 161.099 lagunek eta 6.634 entitatek eman dute izena, eta 8.563 egoitzatan sortu dituzte ariguneak. Hala ere, aurten «nahi baino txapa gutxiago» ikusi da kalean, eta aztertuko dute zergatik.

Eusko Legebiltzarreko indar politikoak, Euskaraldiari sostengua adierazten. ©BERRIA

Euskaraldian, alderdi politikoak, erdaldunago

Jon O. Urain - Gotzon Hermosilla

Euskaraldiak ez du ekarri alderdiek euskara gehiago erabiltzea Twitter bidez hedatzen dituzten mezuetan. Zenbaitetan, erabilera apaldu egin da kanpainak iraun duen bitartean

Angeluko La Barre hondartza artxiboan. ©Isabelle Miquelestorena

28 urteko surflari bat hil da Angelun

Oihana Teyseyre Koskarat

Atzo arratsaldean gertatu zen ezbeharra, surfean zebilela. Suhiltzaileek ezin izan dute suspertu.

Donostiako osasun zentro bat. ©Maialen Andres/ Foku

Osakidetzak kargutik kendu du Donostialdeko ESIren arduraduna

Gotzon Hermosilla

Itziar Perez «zuzendaritzarekin lerrokaturik ez egoteagatik» kargugabetu dute, hark esan duenez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...