Artur Mas: "Bozkatzeak batu egiten du, eta ez banandu"

 

Berria -

2014ko irailak 19

Artur Mas Kataluniako presidentearen arabera, gatazkak konpontzeko "bide bakarra" da galdeketa. Eskoziako erreferendumaren emaitza ez da "atzerapauso bat" izan harentzat; gogoratu du Kataluniako prozesuak aurrera jarraitzen duela, eta Eskoziakoaren ondotik "indartuta" dagoela.

Masen iritziz, legeengatik prozesu politiko bat blokeatzen ahalegintzea "akats bat" da, eta "benetako demokrata batek" ez luke galdeketa bat blokeatu beharko. "Madrilen ezezko bat dagoen bakoitzean ezinikusia areagotu egiten da", gaineratu du.

Eskoziarrak zoriondu ditu Mariano Rajoy Espainiako Gobernuak, Erresuma Batuaren eta Europako Batasunaren parte izaten jarraitzea erabaki dutelako eta erabaki hori "masiboki, era baketsuan eta legea errespetatuz" hartu duelako: "Euren erabakiarekin, eskoziarrek saihestu egin dituzte banaketak eragin zitzakeen ondorio ekonomiko, sozial, instituzional eta politiko larriak".

Alde handia

Kataluniako Biltzar Nazionalak ordezkaritza zabala bidalia zuen Eskoziara, bertako erreferenduma gertutik jarraitzeko asmoz. Ordezkaritza horretako kide da Ricard Gene. "Espero genuen Eskozian hau gertatzea. Baina baiezkoak edo ezezkoak irabazi, bozkatu egin dute. Hori da gure borrokaren helburua. Eskozian baiezkoak galdu egin du, baina demokraziak irabazi. Espainiak asko du ikasteko".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna