Albistea entzun

KataLUNIAKO PROZESU SUBIRANISTA

Kontsulta legea onartu du Kataluniako Parlamentuak, babes zabalarekin

Aldeko 106 boto eta aurkako 28 izan dira bozketan.

Artur Mas, parlamentuak kontsulta legea onartu ondoren. /
Artur Mas, parlamentuak kontsulta legea onartu ondoren. / Alberto Estevez/EFE

Berria -

2014ko irailak 19

Espero bezala, CiU, ERC, PSC, ICV eta CUPen aldeko botoekin atera da aurrera —aurka agertu dira Kataluniako PP eta Ciutadans—. Zutik eta txaloka hartu du erabakia parlamentuaren gehiengoak. Artur Mas presidenteak azaroaren 9ko galdeketara deitu ahal izateko babes legala izango da —lehenik Kataluniako Aldizkari Ofizialean argitaratu beharko da testua—. Kontsultarako deialdia "hurrengo ordu edo egunetan" egitea espero dute.

Bozketaren ondoren, Joana Ortega presidenteordeak legeak jasotako "babes zabala" nabarmendu du, baita alderdi guztiek adostasunaren bidean egindako lana ere. "Egun historikoa da, garrantzitsua gure herrialdearentzako".

Alicia Sanchez-Camacho Kataluniako PPko ordezkariaren arabera, "egun tristea da demokraziarentzat eta espainiarrentzat". Erreferenduma "legez kanpokoa" dela berretsi du, eta legea "konstituzioaren kontrakoa" dela. "Espainiar guztien etorkizuna espainiar guztiek erabaki behar dute". Haren ustetan, prozesuak "banandu" egin du gizartea. "Masek galdeketara deitzen badu, akats historikoa egingo du".

Saioa hasi aurretik, Kataluniako Biltzar Nazionalak babesa adierazi die kontsulta legea onartuko duten diputatuei. Bilkura egin du eraikinaren atarian, saioa hasi baino ordu erdi lehenago.

Parlamentuak galdeketaren alde bozkatu zuen asteartean legearen inguruan egin zuten eztabaidan, eta legebiltzarraren %65en babesarekin indartuta atera zen ekimena.

Espainiako Auzitegi Konstituzionalak kontsulta debekatuz gero, CUPek desobedientzia egitea proposatu zuen, baina beste inork ez zuen eskaera hori babestu. ERCk argudiatu zuen debekatuz gero, NBEra joko dutela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Pertsona batzuk hauteskundeetako emaitzak ikusten, atzo, FdI Italiako Anaiak alderdiaren egoitzan. ©ETTORE FERRARI / EFE

Europako eskuin muturrak beso zabalik hartu du neofaxisten garaipena

Julen Otaegi Leonet

Le Penek ultrak zoriondu ditu, «EB antidemokratiko eta harroputz baten mehatxuei aurre egiteagatik». Orbanentzat, «merezitako garaipena» da». Frantziak «erne» egotera deitu du
Mobilizaziorako deia egiten duen kartel bat, Moskun. 'Ohorea Errusiako heroiei' dauka idatzita. ©YURI KOTXETKOV / EFE

Putinen babesean arrakalak

Igor Susaeta

Kazakhstanek eta Serbiak esan dute ez dituztela aitortuko Ukrainan okupatutako lurretako galdeketen emaitzak. Errekrutatzerakoan izandako «hutsegiteak» kritikatu dituzte Kremlin inguruko ahots batzuek
Kolonbiako eta Venezuelako herritarrak muga zeharkatzen, Francisco de Paula Santander zubitik, atzo. ©RAYNER PEÑA R. / EFE

Venezuelaren eta Kolonbiaren arteko muga ireki dute, zazpi urteren ondoren

Maddi Iztueta Olano

Lurreko eta aireko merkataritza trukeetarako erabili ahal izango da. Bi herrialdeak harreman diplomatikoak berreskuratzeko bidean daude

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...