eskozia

Salmonden ordezko izateko hautagaitza aurkeztuko du Sturgeonek

Glasgown egindako agerraldi batean iragarri du Eskoziako lehen ministrorde kargua utziko duela SNPko buruzagitza eta lehen ministro kargua hartzeko asmotan.

Nicola Sturgeon, Eskoziako erreferendumean botoa eman ondoren. /
Nicola Sturgeon, Eskoziako erreferendumean botoa eman ondoren. / Robert Perry/EFE

Berria -

2014ko irailak 24

Azaroan egingo du batzarra SNP Eskoziako Alderdi Nazionalistak. Orduan utziko du Alex Salmondek Eskoziako lehen ministro kargua eta SNPko buruzagitza, eta han erabakiko dute zein izango den haren ordezkoa.

Nicola Sturgeonek jada iragarri du bere burua aurkeztuko duela: "Ohore handia litzateke nire herrialdeko ministro nagusia izatea, bereziki une hunkigarri eta baikor honetan". Azken hamar urteetan Salmonden alboan aritu da lanean.

Hautagaitza aurkezteko arrazoien artean, esan du bere herrialdearen eta alderdiaren "esanetara" jardun nahi duela, eta uste du lan horretarako "pertsona egokiena" dela. Haren lehentasunak "berdintasunak eta demokrazia" dira.

Gainera, espero du bere hautagaitzak "mezu ahaltsu bat" igortzea Eskoziako emakume guztiei: "Zure jatorriak ez du axola, ezta bizitzan lortu nahi duzunak ere; 2014ko Eskozian ez dago nahi duzunarekiko mugarik".

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna