Albistea entzun

Kataluniako prozesu subiranista

Etzi sinatuko du Masek galdeketara deitzeko dekretua

Espainiako Gobernuak legearen aurkako helegitea lehenbailehen aurkeztu nahiko balu, asteburuan bertan egin beharko luke ministroen kontseilua.

Xavier Trias Bartzelonako alkatea eta Artur Mas Generalitateko presidentea, gaur, Kataluniako hiriburuan.
Xavier Trias Bartzelonako alkatea eta Artur Mas Generalitateko presidentea, gaur, Kataluniako hiriburuan. Toni Garriga / EFE

Berria -

2014ko irailak 25

La Vanguardia egunkariak aurreratu duenez, Artur Mas Generalitateko presidenteak larunbatean berretsiko du kontsulta legea, eta hura aldizkari ofizialean argitaratutakoan sinatuko du dekretua. Joan den asteburuan iragarri zuen presidenteak dekretua aste honetan bertan sinatzeko asmoa zuela, eta antza, jarritako epea betetzeko asmoa du, hori bai, azkeneraino itxaron ostean.

Generalitateak ondo neurtu ditu epemugak; izan ere, dekretua indarrean sartuko litzateke Auzitegi Konstituzionalak aste honetako lan saioa amaitu ostean, eta ministroen kontseiluak asteroko bilera egin eta hurrengo egunean.

Hala, Madrilek Kataluniak galdeketarako data ofizial egin orduko helegitea jartzeko asmoari eutsiko balio, larunbatean bertan egin beharko luke ministroen kontseilu berezia, Soraya Saenz de Santamariaren zuzendaritzapean, Mariano Rajoy Txinan baita bidaia ofizialean, eta ez baita igandera arte itzuliko.

Azaroaren 9ko galdeketara deitzeko dekretua sinatutakoan, abian jarriko lirateke kontsultarako mekanismo guztiak. Besteak beste, galdeketaren nondik norakoak azaltzen dituen webgunea jarriko dute martxan, eta hurrengo asteko legebiltzarreko osoko bilkuran aukeratuko dituzte hauteskunde batzordea osatuko duten zazpi legelari eta politologoak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Pertsona batzuk hauteskundeetako emaitzak ikusten, atzo, FdI Italiako Anaiak alderdiaren egoitzan. ©ETTORE FERRARI / EFE

Europako eskuin muturrak beso zabalik hartu du neofaxisten garaipena

Julen Otaegi Leonet

Le Penek ultrak zoriondu ditu, «EB antidemokratiko eta harroputz baten mehatxuei aurre egiteagatik». Orbanentzat, «merezitako garaipena» da». Frantziak «erne» egotera deitu du
Mobilizaziorako deia egiten duen kartel bat, Moskun. 'Ohorea Errusiako heroiei' dauka idatzita. ©YURI KOTXETKOV / EFE

Putinen babesean arrakalak

Igor Susaeta

Kazakhstanek eta Serbiak esan dute ez dituztela aitortuko Ukrainan okupatutako lurretako galdeketen emaitzak. Errekrutatzerakoan izandako «hutsegiteak» kritikatu dituzte Kremlin inguruko ahots batzuek
Kolonbiako eta Venezuelako herritarrak muga zeharkatzen, Francisco de Paula Santander zubitik, atzo. ©RAYNER PEÑA R. / EFE

Venezuelaren eta Kolonbiaren arteko muga ireki dute, zazpi urteren ondoren

Maddi Iztueta Olano

Lurreko eta aireko merkataritza trukeetarako erabili ahal izango da. Bi herrialdeak harreman diplomatikoak berreskuratzeko bidean daude

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...