Albistea entzun

Katalunia

Auzitegi Konstituzionalak bertan behera utzi du, behin-behinean, Kataluniako galdeketa

Tramiterako onartu du Espainiako Gobernuak jarritako helegitea, eta horrek automatikoki utzi ditu indargabe Kataluniako Parlamentuak onartutako Kontsulten Legea eta Masek sinatutako dekretua.

Samara Velte -

2014ko irailak 29 07:34

Espainiako Auzitegi Konstituzionalak tramiterako onartu du Madrilgo gobernuak jarritako helegitea, eta behin-behinean baliorik gabe utzi ditu Kataluniako Parlamentuaren Kontsulten Legea eta Artur Mas presidenteak azaroaren 9rako egindako deialdia. Francisco Perez de los Cobos auzitegiko presidenteak propio bizkortu du Kataluniari ibilbidea eteteko prozesua. Masek larunbatean deitu zuen independentziari buruzko kontsultara, eta gaur eguerdirako helegitea eskuan zeukan Estatuaren abokatuak. Iluntzean elkartu da auzitegiko epaimahaia, eta ordubete baino ez du behar izan Kataluniaren eskubideari buruz erabakitzeko.

Mariano Rajoy Espainiako presidenteak berak azaldu ditu Kontsulten Legea salatzeko arrazoiak: «Legez kanpokoa da. Ezin da egin, subiranotasun nazionala Espainiako herritarrek dutelako, oso-osorik». Galdeketa egiteko asmoa «martxan ipintzen duenak hartuko du ondorio larrien gaineko ardura», ohartarazi dio Masi.

Helegitea onartuta, Auzitegi Kontituzionala ez dago behartuta zuzenean ezer erabakitzera, baina aztergai dauzkan testuak bertan behera gelditu dira automatikoki bost hilabeterako. Epe hori amaitzean oraindik deliberatu ez badu, arrazoitu egin beharko du zergatik eusten dion badaezpadako neurriari. Nolanahi ere, kasu honetan erabakia azkar etor daitekeela diote Kataluniako eta Espainiako hedabideek; Auzitegi Konstituzionalaren interesekoa bailitzateke Kontsulten Legea azaroaren 9a baino lehenago legez kanpo uztea.

Martxoan Kataluniako Burujabetza Aitorpena bertan behera utzi zuen epaimahai berberak erabakiko du azaroaren 9ko galdeketari buruz. Perez de los Cobos PPko kide izandakoa ez ezik, gainerako kide gehienak ere Espainiako sektore kontserbadoreenetakoak dira; zentrokoagotzat jotzen dituztenak, aldiz, hamabitik bost baino ez dira. Ordukoan, Kataluniako Parlamentuak onartutako adierazpena konstituzioaren aurkakoa zela ebatzi zuen, Katalunia subjektu politiko eta juridikotzat jotzen zuelako. Masen dekretuak ere arau horixe du oinarrian.

Mobilizazioak Katalunia osoan

Prozesu subiranistaren aldeko herri mobilizazio nagusiak antolatu eta sustatu dituzten erakunde eta alderdiek protestarako deia egin dute; auzitegiaren epaia jakin aurretik ere, dozenaka elkarretaratze egin dituzte Katalunia osoan. ANC Biltzar Nazional Katalanak azaroaren 9rako kanpainaren hasiera aurreratzea erabaki dute. Ara és l'hora (orain da ordua) kanpainak udaletxeen aurrean elkartzeko eskatu die katalanei bihar arratsaldeko zazpietan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.