Albistea entzun

KATALUNIAKO PROZESU SUBIRANISTA

Zuhurtziaz, baina gelditu gabe

A-9ko kontsulta behatzeaz arduratuko den batzordearen osaketa onartu du Kataluniako Parlamentuak. Alde dauden diputatuak salatuko ditu PPCk. Generalitateak bi helegite jarri ditu debekuaren kontra.

Gobernuaren kontrol saioa Kataluniako Parlamentuan.
Gobernuaren kontrol saioa Kataluniako Parlamentuan. / Kataluniako Parlamentua Tamaina handiagoan ikusi

Oihan Vitoria -

2014ko urriak 1

Artur Mas Generalitateko presidentea Kataluniako Parlamentuko CiU, ERC, ICV-EUiA eta CUPeko ordezkariekin bildu da gaur. Bilera eta bilera artean ez du baloraziorik egin, baina Efe berri agentziak gobernuko iturriak aipatuz dioenez, ostiral goizean lau alderdi horietako kideekin batuko da Mas. Espainiako Auzitegi Konstituzionalaren erabakiaren aurrean nola jokatu erabakitzea litzateke bilera horren asmoa.

Kataluniako Gobernuak hamabost eguneko epea zuen Auzitegi Konstituzionalaren erabakiaren kontra alegazioak aurkezteko, eta gaur erregistratu ditu epaitegian. Konstituzionalak "behin-behinean" baliogabetu zituen azaroaren 9ko galdeketara deitzeko dekretua eta Kontsulten Legea, eta gehienez bost hilabeteko epea du mamiari buruzko ebazpen bat emateko.

Kataluniako Parlamentuan, ordea, aurrera egin dute galdeketarako beharrezkoa den beste prozedura batekin. Galdeketaren aldeko alderdien babesarekin onartu dute galdeketa bermatzeko kontrol batzordea. Merce Barcelo i Serramalera, Joaquim Brugue Torruella, Alfons Gonzalez Bondia, Miquel Martin Casals, Marc Marsal Ferret, Jordi Matas Dalmases eta Benet Salellas Vilar dira batzordeko kideak, proposamenak aldeko 84 boto jasota. 

Kontrakoek salatu dute desobedientzia ekintza dela, eta UPD alderdiak prebarikazioa egon daitekeela salatu du. Ez da delitu zantzuak ikusi dituen bakarra; Manos Limpias elkarteak Kataluniako Auzitegi Nagusiari eskatu dio Artur Mas Kataluniako Gobernuko presidentea baldintzarik gabe espetxeratzeko, bost delitu egitea egotzita: prebarikazioa, desodebientzia, matxinada, sedizioa sustatzea eta ondo publikoak bidegabe erabiltzea.

Eztabaida izan da batzordea osatzearen legezkotasunaren inguruan. Gemma Calvet ERCko parlamentariak azaldu du kontrol batzordea Kontsulten Lege osoari buruzkoa dela, eta Auzitegi Konstituzionalak Kontsulten Legearen atal batzuk baino ez dituela utzi behin-behinean baliorik gabe. Hartara, legearen gainerako atalen garapenerako kontrol batzordea ezartzea beharrezkotzat jo du. Jordi Turull CiUko bozeramaileak, berriz, jakinarazi du txosten juridiko bat dutela batzordea osatzearen alde.

PPCk eta Ciutadansek ez dute parte hartu bozketan, iritzita legez kanpokoa dela batzordea izendatzea Espainiako Auzitegi Konstituzionalak galdeketa baliorik gabe utzi eta gero, eta aurrerantzean gertatzen denaren erantzule egin dituzte alde bozkatu duten alderdiak.

PSCk, berriz, batzordea osatzearen kontra bozkatu du. Hala ere, eskua luzatu dio Masi legealdia amaitzeko eta galdeketa aurrera ateratzeko, beti ere galdeketa hori hitzartua izanez gero.

Gobernuaren kontrol saioan ere galdeketa izan dute hizpide. Besteak beste, Kataluniako herritarrei ala Auzitegi Konstituzionalari obeditzearen artean erabakitzeko eskatu dio CUPeko parlamentari Quim Arrufatek. Artur Mas Kataluniako Gobernuko presidenteak aitortu dio desobedientzia zibilaren bidez "lorpen sozial handiak" egin direla, baina ohartarazi dio bide horrek ez duela "beti garaipenera" eramaten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.