Albistea entzun

KATALUNIAKO PROZESU SUBIRANISTA

Mas: "Aurrera goaz, eta elkarrekin egingo dugu"

Galdeketarako deialdiari eustea adostu dute Generalitateko presidenteak eta CiU, ERC, ICV eta CUPeko ordezkariek. Zazpi orduz egon dira batzartuta. Alderdien arteko batasuna nabarmendu dute, eta azaroaren 9an bozkatzeko konpromisoa berretsi dute: "Ez dago irtenbiderik bozkatu gabe". Madrilek auzitara eramango du galdeketaren kontrol batzordearen izendapena.

Artur Mas eta CiU, ERC, ICV eta CUPeko ordezkariak, bileran. /
Artur Mas eta CiU, ERC, ICV eta CUPeko ordezkariak, bileran. / TONI GARRIGA/EFE

Berria -

2014ko urriak 3

Artur Mas Kataluniako presidentea azaroaren 9ko galdeketa babesten duten alderdiekin bildu da zazpi orduz —CiUk, ERCk, ICVk eta CUP—, kontsultaren baliogabetzearen inguruan nola erantzun adosteko. Bileraren ondorengo adierazpenetan Masek adierazi du "ondo" joan dela bilera, eta "aurrera" doazela. Hala ere, ez du xehetasunik eman egingo dituzten urratsen gainean.

"Indargune" gisa aipatu du adostasunari eusteko izandako gaitasuna. Horrekin batera, bozkatu ahal izateko Espainiako Gobernua jartzen ari den "zailtasunak" nabarmendu ditu: "Badakigu Espainiak zailtasunak jartzen dizkigula, baina gaur bozkatu ahal izateko aritu gara lanean".

Masekin batera, Joana Ortega, Francesc Homs; Jordi Turull, Ramon Espadaler; Oriol Junqueras, Marta Rovira; Joan Herrera, Joan Mena; David Fernandez eta Quim Arrufat izan dira bileran. Ondorengo agerraldian ere Mas babesten izan dira, eta haiek ere hartu dute hitza.

Junquerasek azaroaren 9an "berme guztiekin" bozkatu ahal izateko konpromisoa berretsi du. Herreraren arabera, "erantzun bateratua" da "demokraziarekiko alergiari" eman diezaioketen erantzunik "onena". Fernandezek nabarmendu du ez dagoela "aurrera egitea ez den beste bide orririk". Espadalerren iritziz, "irtenbidea politikan eta hautetsontzietan dago, demokrazian". Turull ildo beretik mintzatu da: "Elkarrekin joango gara, eta azaroaren 9an bozkatu egingo dugu".

Goizean 11:15ean ekin diote bilkurari, eta, hiru ordu geroago, ohar bat irakurri du Francesc Homs Kataluniako Gobernuko bozeramaileak. Laburra izan da adierazpena; horretan, jakinarazi du galdeketarako deialdiari eutsiko diotela, eta Auzitegi Konstituzionalari eskatu dio Kontsulta Legea eta kontsultarako dekretua bertan behera uzteko erabakia baliorik gabe utz dezala.

Goizekoa baino luzeagoa izan da arratsaldekoa, hiru ordu eta erdi pasatxokoa. 18:20ean bildu dira, eta tartean egindako atsedenaldian, Josep Maria Subirachs eskultoreari egindako omenaldira joan da Mas. Han adierazi duenez, "bidean jarraitu ahal izateko" behar dituzten "irtenbide guztiak aurkitzen saiatzen" ari dira: "Espero dugu guztia denok nahi dugun norabidean joatea".

Alderdiek batasunari eustearen garrantzia nabarmendu dute kontsultaren aldekoek. Nolanahi ere, Kataluniako Gobernuko Kultura kontseilari Ferran Mascarellek iradoki du Masek "bide alternatiboak" bila ditzakeela galdeketa egiteko, azaroaren 9rako deitutakoa ezin bada egin.

Kontrol batzordearen dekretua

Kataluniako Parlamentuak babestutako kontrol batzordea izendatzeko dekretua sinatu du Masek, Auzitegi Konstituzionalak galdeketa behin-behinean bertan behera utzi arren. Kataluniako Gobernuak gaur argitaratu du dekretua aldizkari ofizialean. Espainiako Gobernuak eta PPk, ordea, iragarri dute datorren astean auzitara eramango dutela Masek dekretu hori izenpetu izana.

Alicia Sanchez Camacho Kataluniako PPko presidenteak eman du helegitearen berri, eta gaineratu du Madrilek "irmotasunez soseguz" diharduela: "Gobernua mugitzen ari da, epaitegien aurrera eramango duelako Artur Masek Hauteskunde Batzorde horretako zazpi kideak izendatzeko sinatutako dekretua, ezin baita existitu".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Raisi Irango presidentea eta Al-Sudani Irakeko lehen ministroa, atzo. ©EFE

Irakek ez du utziko «Irakeko lurraldetik» Irani eraso diezaioten

Ander Perez Zala

Bi herrialdeetako agintariak elkartu egin dira kurduez eta eskualdeko segurtasunaz aritzeko. Harremanak «hobetzea» adostu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.