NOBEL SARIAK

Medikuntzako Nobel saria John O' Keefe, May-Britt Moser eta Edvard I. Moserrentzat

Hala iragarri du Karolinska institutuak. "Garuneko GPSa" aurkitzeagatik saritu dituzte.

Medikuntzako Nobel saridunak. /
Medikuntzako Nobel saridunak. / BERTIL ERICSON/EFE

Berria -

2014ko urriak 6

Garuneko posizionamendu sistemaren parte diren zelulen gainean egindako aurkikuntzengatik saritu dituzte. O'Keefe estatubatuarra da; Moser senar-emazteak, berriz, Norvegiakoak.

"Garuneko GPSa" aurkitu dute; hori horrela, ikertzaile horiek eginiko lanek "non gauden eta nora joan nahi dugun jakitera" laguntzen dute. O'Keefek 1971n aurkitu zuen GPS horren lehen elementua; May-Britt Moser eta Edvard Moserrek, berriz, 2005ean topatu zuten mekanismo neurologikoan giltzarrietako bat izango zena.

O'Keefe doktorea da Psikologia Fisiologikoan. Gaur egun Londresko College unibertsitatean aritzen da lanean. May-Britt Moserrek Psikologia ikasi zuen Osloko Unibertsitatean, eta Neuropsikologian doktorea da —Neuronen Konputatze Zentroko zuzendari da Trondheimen (Norvegia)—. Edvard I. Moser ere Neuropsikologian doktorea da, eta Kavli institutuko zuzendaria da, Trondheimen.

Literaturako Nobel saria ostegunean 13:00ean jakinaraziko dutela iragarri dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna