Albistea entzun

kataluniako prozesu subiranista

Homsek berretsi du galdeketa "bideragarria" dela eta ez dagoela epe mugarik

Generalitateko bozeramaileak atzo esan zuen galdeketa egin ahal izateko atzera bueltarik gabeko puntua urriaren 13 eta 15 artean izango zela.

Francesc Homs Generalitateko bozeramailea, joan den astean. /
Francesc Homs Generalitateko bozeramailea, joan den astean. / TONI GARRIGA/EFE

Berria -

2014ko urriak 7 08:28

Atzo ez bezala, gaur ez dio epe mugarik jarri Francesc Homs Generalitateko bozeramaileak azaroaren 9ko galdeketari. "Bideragarria" dela ziurtatu du, eta azaroaren 9an egin egingo dela: "Jendeak bozkatu egingo du". Atzo, ordea, zehaztu zuen "atzera bueltarik gabeko puntua" urriaren 13 eta 15 artean iritsiko dela.

Homsek azaldu du Espainiako Gobernuaren "trabei iskin egiteko" prestaketetan ari dela Generalitatea. Kontsultarako dekretuan hasiera batean zehaztutako hainbat epe gaur amaitzen dira —bozkatu nahi duten atzerritarren erregistroan izena emateko epea edo udalek mahaiak jartzeko proposamenak egiteko epea, esaterako—. Homsek adierazi du zenbait epe zabaldu egingo dituztela; ez du zehaztu, ordea, zeintzuk izango diren. 

Kataluniako Gobernuak, bien bitartean, galdeketa babesten duten 900 udalen mozioak Espainiako Gobernuari eta Espainiako Auzitegi Konstituzionalari bidaltzea erabaki du. Lau kaxatan bilduta, bi erakunde horietara bidaliko dituzte. Homsek esan duenez, modu horretan "euren begiekin" ikusi ahal izango dute mozioen "bolumena" ez dela "hutsala". Kataluniako 947 udaletatik 920k babestu dute azaroaren 9ko herri galdeketa.


 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek lau palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.