Albistea entzun

Kataluniako prozesu subiranista

Zalantzaren bideak

Agindutako egunerako hilabete baten faltan, independentziari buruzko galdeketa nola gauzatu eztabaidatzen ari dira Kataluniako alderdi nagusiak. Kameren aurrean ez dute hitz egin nahi 'B planei' buruz. Hala ere, geroz eta ozenago adi daiteke askoren galdera: kontsulta ezin bada egin, zer?

920 udalerritako alkateak elkartu ziren larunbatean galdeketa babesteko.
920 udalerritako alkateak elkartu ziren larunbatean galdeketa babesteko. Toni Albir / EFE

Samara Velte -

2014ko urriak 10 13:48

Ostiralean zazpi orduko bilera egin ostean, gaur berriro elkartu dira Katalunian galdeketa egitearen alde dauden indar politikoak. CiU, ERC, ICV-EUiA eta CUP 18:00etan batzartu dira Robert jauregian, azaroaren 9ko galdeketarako hilabeteren faltan. Hiru ordu baino gehiago iraun du bilerak. Amaieran, ez dute bileraren gaineko xehetasunik eman. Quim Arrufat CUPeko kideak esan du "lanean" jarraitzen dutela; Joan Herrera ICVko ordezkariak nabarmendu du batasunari eusten diotela, eta hurrengo astea "erabakigarria" izango dela.

Ostiraleko bileraren ondoren, "batuta" jarraitzen dutela nabarmendu zuen Artur Mas Kataluniako presidenteak: "Ondo joan da dena, eta hori oso inportantea da. Aurrera goaz, eta aurrera segituko dugu, elkarrekin, denok batera".

Ara és l'hora kanpainaren sustatzaileek, ANCk eta Omnium Culturalek, beste ekitaldi bat iragarri dute: urriaren 19an egingo dute, Katalunia plazan (Bartzelona). Ostiralean emango dituzte deialdiaren gaineko xehetasun gehiago Carme Forcadell ANCko presidenteak, Muriel Casals Omniumeko presidenteak eta Ignasi Termes kanpainako ekitaldien koordinatzaileak.

Epaile baten jarduna aztergai

Santiago Vidal Bartzelonako Auzitegiko epailearen jarduna bertan behera uztea aztertuko du Espainiako Botere Judizialaren Kontseilu Nagusiak, Kataluniako Konstituzioaren zirriborro bat egiten parte hartzeagatik. Epaileak onartu du lan horretan lagundu zuela, beste hamar aditurekin batera.

Antonio Jesus Fonseca-Herrerok abiarazi du Vidalen aurkako diziplina dosierra, legea urratu duelakoan, eta botere judizialeko diziplina batzordeari proposatu dio Vidali funtzio guztiak etetea. Kautelazko neurria litzateke. Batzordeak proposamena aztertu beharko du orain.

Espainiako Auzitegi Konstituzionalak, berriz, atzera bota du bi epaile ezesteko eskaera. Kataluniako Parlamentuak eskatu zuen Francisco Perez de los Cobos auzitegiko presidentea eta Pedro Gonzalez-Trevijano magistratua ezesteko; haren arabera, desegokiak dira Kataluniako subiranotasunari buruz erabakitzeko, lehendik ere prozesu subiranistaren aurka agertu direlako edota PPn militatzen dutelako. Konstituzionalak, ordea, ez du eskaera onartu.

Galdeketa, udalen bitartez

Espainiako Auzitegi Konstituzionalaren debekua saihestu eta kontsulta egin ahal izateko bestelako bideak aztertzen ari da Kataluniako Gobernua. La Vanguardia egunkariak atzo argitaratu zuenez, galdeketa udalen bitartez antolatzeko plana du mahai gainean Masen gobernuak.

Balizko bide horren xehetasunak zabaldu ez badira ere, Kataluniako lurralde osoan zehar udalez udal eta egun berean egingo liratekeen galdeketak lirateke gobernua aztertzen ari den planaren oinarria. La Vanguardia-ren arabera, Kataluniako Gobernuaren babesa edukiko lukete galdeketa horiek.

Kataluniako 920 udalek babestu dute azaroaren 9ko herri galdeketa, eta, larunbatean, agerraldia egin zuten herri horietako alkateek Generalitateko presidente Artur Masekin batera, Bartzelonan. Maria de los Llanos de Luna Espainiako Gobernuak Katalunian duen ordezkariak, bestalde, gutun bat bidali die udaletako idazkari eta ikuskatzaileei, ohartarazteko Kontsulta Legea etenda dagoen heinean debekatua dutela galdeketarako "prestakuntza lanak" egitea.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.