Osasun arloko langileen segurtasuna lehentasunezkotzat jo du Darponek

 

Berria -

2014ko urriak 8

Jon Darpon Eusko Jaurlaritzako Osasun sailburuak adierazi duenez, ebolaren protokoloa "egokia" izaten ari da Araba, Bizkai eta Gipuzkoan, eta osasun arloko profesionalen segurtasuna "kasuak ongi tratatzea bezain lehentasunezkoa" da.

"Lasaitasun mezu bat" igorri du, eta Espainiako Estatuan aurretik egon gabeko gaixotasuna izan arren, nabarmendu du Osakidetzak "aste asko" daramatzala lanean ebolaren kontrako protokoloarekin, jada lau gaixo zaindu dituztelako ebola izan zezaketelakoan —guztiek negatibo eman dute analisien emaitzetan—.

Hondarribian (Gipuzkoa) izan da Darpon, Bidasoa ospitalean, Iñigo Urkullu Jaurlaritzako lehendakariarekin eta Jon Etxeberria Osakidetzako zuzendariarekin. Darponen arabera, osasun sistema eta profesionalak "onak" dira, eta, beraz, horrek herritarrengan "konfiantza" eragin behar duela iritzi dio.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna