KRIMEA

Sergei Aksionov izendatu du Krimeako Parlamentuak errepublika buru

Aho batez aukeratu dute orain arte errepublikako jarduneko buruzagia zena.

Axionov, Moskun, Krimeak Errusiarekin bat egitearen alde bozkatu ostean.
Axionov, Moskun, Krimeak Errusiarekin bat egitearen alde bozkatu ostean. Sergei Ilnitsky / EFE

Berria -

2014ko urriak 9

Krimeako Ministroen Kontseiluko buru izango da Sergei Aksionov, bertako parlamentuak aho batez erabaki duenez. Hala, karguan jarraituko du Aksionovek, zeregin horretan ari zelako apirilaren 15az geroztik. Egun horretan sinatu zuen Vladimir Putin Errusiako presidenteak hura jarduneko errepublika buru izendatzeko dekretua.

Militarra eta enpresaria da Aksionov, eta 41 urte ditu. 2010ean, Krimeako Parlamentu autonomoko diputatu izateko aukeratu zuten, hauteskundeetara Krimea Errusiara batzearen aldeko mugimendu batean aurkeztuta.

Aurtengo otsailean Viktor Janukovitx Ukrainako presidentetzatik kendu ostean, Krimeako Parlamentuak Aksionov izendatu zuen penintsulako gobernuko buru. Hark antolatu zuen Krimea Errusiara batzearen inguruko galdeketa, eta aukera horren alde bozkatu zuten %97 krimearrek martxoaren 16an.

Europako Batasunak, Ameriketako Estatu Batuek eta beste herrialde batzuek Krimea Errusiara batu izana kritikatu zuten, Ukrainaren lurralde osotasunaren kontrako erasotzat jota, eta zigorrak ezarri zizkioten Errusiari. Aksionov izan zen arrazoi horregatik zigortuetako bat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna